Әлемдік нарықта алтын қымбаттады
Алтынның бір унциясының құны 3 мың долларлық межеге жақындады. Нью-Йоркте Comex биржасындағы сәуір айының фьючерстері троя унциясы үшін 2 984,36 доллар болды. Осы аптада алтын бағасы 2,6%-ға өскен.
Құнды металл бағасына Дональд Трамп бастаған «тарифтік соғыс», АҚШ федералдық резервінің ақша-несие саясаты әсер етіп отыр. Сарапшылар биыл баға 3 000-3 200 доллар аралығында құбылады деп болжады.
Айта кететіні, осыдан екі жыл бұрын нарықта алтын бағасы 2 мың доллар шамасында болған.
Abai.kz
