USAID-тің басқа ұйымдармен байланысы тексеріледі

Қазақстанда USAID қызметіне талдау жүргізіледі. Бұл туралы премьер-министрдің орынбасары Серік Жұманғарин депутаттық сауалға жауабында айтты.

"Атап айтқанда, USAID елдік стратегияларын және USAID-тың басқа ұйымдармен, соның ішінде үкіметтік және үкіметтік емес ұйымдармен қарым-қатынасын олардың USAID мақсаттарына ықтимал әсерін бағалау үшін зерттелетін болады", - деп атап өткен Жұманғарин.

Бұдан басқа, оның пікірінше, ықтимал жасыру схемаларын, қаражатты пайдаланудағы сәйкессіздіктерді және мүдделер қақтығысын анықтау үшін қаржылық ағындарды талдау қажет.

Abai.kz