Новороссийскіге шабуылдан кейін Қазақ мұнайы қайтадан Батысқа қарай жөнелтіле бастады.

Ресейдегі «Шесхарис» терминалы кешеніне шабуылдан соң Каспий құбыр консорциумы (КҚК) жұмысын қайта бастады. «Ресей мұнай экспортын қалпына келтірді», - деп жазады «Reuters» агенттігі.

Естеріңізге сала кетейік, ҚР Энергетика министрлігі бұл шабуылдың Қазақстанның мұнай тасымалдауына әсер етпегенін мәлімдеген.

«Reuters» агенттігінің хабарлауынша, Украина шабуылынан екі мұнай терминалы зақымданған. Экспорт тек Новороссийскіде ғана емес, Каспий құбыр консорциумының терминалында да уақытша тоқтатылды.

Тұтастай алғанда, мұнай жеткізудің үзілуі тәулігіне 2,2 миллион баррельге (әлемдік мұнай нарығының шамамен екі пайызына) әсер етті. Шабуылдан кейін мұнай бағасы екі пайызға қымбаттады.

Abai.kz