Бүгін «Ақ жол» демократиялық партиясы Саяси қуғын-сүргін және ашаршылық құрбандарын еске алу күніне орай дәстүрлі «Алашқа тағзым» гүл шоқтарын қою рәсімін өткізді.

Сурет: «Ақ жол» демократиялық партиясының баспасөз қызметінен алынды.

Іс-шараға «Ақ жол» демократиялық партиясының төрағасы Азат Перуашев, Қазақстан Республикасы Парламенті Мәжілісінің депутаты Олжас Нұралдинов, «Ақ жол» фракциясының аппарат жетекшісі Берік Дүйсембинов, партия аппаратының жетекшісі Асылхан Қожахметов, партияның Бақылау-ревизиялық комиссиясының төрағасы Болат Өтепбаев, Астана қаласы мәслихатының депутаттары Мейрамгүл Қабдығалиева мен Нұржан Садырбаев, жергілікті мәслихаттардағы партия атынан сайланған депутаттар және партия белсенділері қатысты.

Сурет: «Ақ жол» демократиялық партиясының баспасөз қызметінен алынды.

«Ақ жол» партиясының өкілдері алдымен «Ашаршылық құрбандары» ескерткішіне барып, халқымыздың басынан өткен нәубет жылдарының құрбандарының рухына тағзым етті.

Сурет: «Ақ жол» демократиялық партиясының баспасөз қызметінен алынды.

Одан кейін қатысушылар «АЛЖИР» саяси қуғын-сүргін құрбандары музей-мемориалдық кешеніне барып, тоталитарлық жүйенің жазықсыз құрбандарының рухына құрмет көрсетіп, гүл шоқтарын қойды. Шара барысында ел тарихындағы зұлмат жылдарда қаза тапқан азаматтарды еске алып, олардың рухына құран бағышталды.

Сурет: «Ақ жол» демократиялық партиясының баспасөз қызметінен алынды.

Сондай-ақ, «Алашқа тағзым» гүл шоқтарын қою рәсімі Солтүстік Қазақстан, Жамбыл, Шығыс Қазақстан, Ақтөбе және Түркістан облыстарында, сондай-ақ Шымкент, Орал, Қостанай, Қызылорда және Қарағанды қалаларында ұйымдастырылып, партия өкілдері саяси қуғын-сүргін мен ашаршылық құрбандарының рухына тағзым етті.

Сурет: «Ақ жол» демократиялық партиясының баспасөз қызметінен алынды.

«Ақ жол» демократиялық партиясы тарихи жадымызды сақтау, жазықсыз құрбандардың есімін ұлықтау және өткеннен тағылым алу – болашақ ұрпақ алдындағы маңызды міндет екенін атап өтеді.

«Ақ жол» демократиялық партиясының баспасөз қызметі

Abai.kz