Президент Шавкат Мирзиёев бұл туралы Хорезм облысындағы жаңа инвестициялық жобаларды іске қосу рәсімінде айтты, деп жазады жергілікті БАҚ.

Мемлекет басшысының айтуынша, жоба әлі дайындық кезеңінде. Дегенмен, Мирзиёев егжей-тегжейлі мәліметтерді ашқан жоқ. «Бүгін сіздерге сыр ретінде айтқым келеді: біз екінші станция бойынша да үлкен дайындық жүргізіп жатырмыз», — деді Өзбекстан президенті.

Билік өкілдері алғашқы АЭС-ті Жызақ облысындағы Тұзқан көлінің жанында салып жатыр. Станцияның қуаты 330 МВт құрайды. Жобаның бас мердігері — «Росатом», сонымен қатар құрылысқа өзбекстандық компаниялар да тартылды.

Қазақстандағы АЭС құрылысы жобасына қатысты не болып жатқанын жоғарыдағы жарияланымдарымыздан оқи аласыздар.

Abai.kz