Артур Ермекұлы Ластаев Қазақстан Республикасындағы Адам құқықтары жөніндегі уәкіл болып тағайындалды, деп хабарлайды Ақорданың баспасөз қызметі.

«Мемлекет басшысының Жарлығымен Артур Ермекұлы Ластаев Қазақстан Республикасындағы Адам құқықтары жөніндегі уәкіл лауазымына тағайындалды», — делінген дүйсенбіде таратқан хабарламада.

Ластаев бұл тағайындауға дейін 2022 жылдың желтоқсанынан бері Адам құқықтары жөніндегі уәкіл лауазымын атқарып келген. Оған дейін, 2022 жылы Қазақстан Бас прокуратурасының Халықаралық-құқықтық ынтымақтастық қызметін басқарды.

2016–2022 жылдары Ластаев Қазақстанның Женевадағы БҰҰ бөлімшесі мен басқа да халықаралық ұйымдар жанындағы Тұрақты өкілдігінде, сондай-ақ Қазақстанның Швейцариядағы елшілігінде дипломатиялық қызметте болды.

Abai.kz