2017 жылға қарай тағы бір қазақ азаматы ғарышқа сапар шегуі мүмкін. Осы жайында бүгін Астанадағы Орталық комуникациялар қызметі үйінде «Қазкосмос» Ұлттық ғарыш агенттігінің төрағасы Талғат Мұсабаев мәлім етті. Негізі қазақ ғарышкерлері 2009 жылы ғарыш кеңістігіне шығуға дайын болған. Бірақ тап сол кездегі әлемдік қаржы дағдарысы көлденең келіп, қазақ ғарышкерлерінің сапарға аттануына мүмкіндік болмаған. «Ғарышқа ұша салу оңай емес, оған ғарышдержаваларының ортақ келісімі керек», - дейді Т. Мұсабаев. Осы уақытқа дейін екі қазақ жігіті ғарышқа ұшуға дайындықтан өткен. Оның біреуі Мұхтар Аймаханов қазір Ресей азаматы. Кезекте ҚР әскери әуе күштерінің полковнигі Айдын Айымбетов тұр.

Абай-ақпарат