Жұма, 29 Наурыз 2024
Жаңалықтар 4130 0 пікір 5 Сәуір, 2009 сағат 06:00

Ілеспе аударма жүргізудің шеберлік кластары өтті

Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің тапсырмасы бойынша Ш.Шаяхметов атындағы тілдерді дамытудың республикалық үйлестіру-әдістемелік орталығы «Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасы» аясында мемлекеттік тілдің қолданысы деңгейін кеңейту және ілеспе аудармашылардың біліктілігін арттыру мақсатында 2016 жылдың  тамыз және қараша айларында Астана қаласында 2 кезеңнен тұратын  қазақша-орысша, орысша-қазақша ілеспе аударма жүргізуді үйретудің апталық шеберлік кластарын өткізді.

Шеберлік кластарында орталық және жергілікті атқарушы органдар мен ұлттық компаниялардың аудармашы мамандары біліктіліктерін көтеріп және шығармашылық әлеуеттерін арттырды.

Апталық шеберлік кластарында аударма теориясы, жазбаша және ауызша аударма ерекшеліктері, ілеспе аудармашыға қажетті базалық грамматикалық және фразеологиялық модельдер, сөздік қорды байыту жұмыстары бойынша дәріс оқылды. Сонымен қатар, аудармашы мамандарға аударма теориясы мен практикасының және аударматанудың өзекті мәселелері шеңберінде оқу-әдістемелік көмек көрсетіліп, тәржімелеу және ілеспе аударма саласындағы озық тәжірибелер жөнінде ой алмасты.

Шеберлік сабақтарын белгілі аудармашы, филология ғылымдарының кандидаты Камал Әлпейісова жүргізді.

Тыңдаушыларға Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің сертификаттары табыс етілді.

Абай-ақпарат

 

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1583
Алашорда

Қожанов межелеу науқанында (Жалғасы)

Бейбіт Қойшыбаев 2283
Ғибырат

Қайсар рухты ғазиз жан

Мұхтар Құл-Мұхаммед 3618