Еліміздегі миллиондаған тұрғындардың баспаналы болуға деген үміттерін үрлеп тұтатқан «Қол жетімді баспана-2020» мемлекеттік бағдарламасы орта жолдан тоқтады.

Бағдарламаның толық қанды нәтижесін бермей аяқталуына ел Үкіметінің «Аймақтарды дамытудың 2020 жылға дейінгі бағдарламасын» қабылдауы негіз болған. 2014 жылдың 28 маусымында қабылданған ҚР Үкіметінің №728 қаулысы бойынша енді төрт бағытта жұмыс жүргізілетін болады. Олар: «Аймақтарды дамыту» бағдарламасы, «Шағын қалаларды дамытудын 2012-2020 жылдарға арналған бағдарламасы», «Тұрғын үй-коммуналды шаруашылықты жаңғырту бағдарламасы» және «Ақ бұлақ – 2011-2020» бағдарламасы.

Ал, мерзімнен бұрын тоқтатылған «Қол жетімді баспана -2020» бағдарламасының бұдан ары қарайғы жүзеге асырылуы аймақтық бағдарламаларды орындаудың ішінара бағытына айналмақ.

Абай.kz