Қара домбыраның шанағына тіл бітірген дәулескер күйші, пенде көңіліндегі алапат толқынды қос ішектің күмбіріне көшірген композитор, Қазақстанның еңбек сіңірген қайраткері Секен Тұрысбек Алматының өнер сүйер жұртына ән мен күй кешін ұсынбақшы.

Бұйырса, 11 желтоқсан күні күйшінің кеші өтеді. Кештің өн бойында «Ақ жауын» мемлекеттік камералық оркестрінің орындауындағы дәстүрлі ән мен дүбірлі күй қалықтамақ. Ал, ән мен күй мерекесінің құрметті қонақтары - Ерлан Ырысқалиев пен Гүлмира Сарина болмақ.

Кештің басталуы кешкі сағат 18.00. Өтетін орыны: «Қазақконцерт» залы.

Келіп, күй құдіретіне куә болыңыз.

Абай-ақпарат.