ӨТЕМБАЕВТЫҢ ЖҮРЕГІ ӨКІНІШТЕН АУЫРДЫ МА?
Марқұм Алтынбек Сәрсенбаев пен оның серіктерін өлтіруге тапсырыс беруші ретінде сотталған Сенат аппаратының бұрынғы жетекшісі Ержан Өтембаевтың жүрегі сыр берді.
Ол қазір «жүрек талмасы» диагнозымен Астана қаласының № 1 емханасына жеткізілген. Дәрігерлер Өтембаевтың жағдайы ауыр дегеннен артық ақпарат таратпай отыр.
Айтпақшы, дәл осы күндері Өтембаевтың ісін қайта қарау жайлы сот ісі басталуы керек болатын. Оған адам өлтіруге тапсырыс берушінің басқа адам екенін айғақтайтын дәлелдер белгілі болғаны себеп болған еді.
