«Халық банктің» төрайымы Үміт Шаяхметова ортақ валютаға қатысты өз пікірін білдірді, – деп хабарлайды Abai.kz порталы Nur.kz сайтына сілтеме жасап. Үміт Шаяхметова валюталық тәуелсіздігін жоғалтқан ел саяси тәуелсіздігінен де айрылатынын айтқан.  

«Мен бұл мәселеге (ЕАЭО пен ТМД-ға ортақ валюта енгізуге) негативті көзқараспен қараймын. Бұл меніңше әріптестік, достық қадам емес, егер дұрыс жол болса,  бәріміз бірлесе ортақ шешімге келу үшін алдымен бұл жағдаятты талқылауға салып, бір-бірімізбен түсінісіп алуымыз қажет еді. Менің ойымша, экономикалық тұрғыда валюталық тәуелсіздігінен айрылған елдің саяси тұрғыда да тәуелсіздігі болмайды», - деді банк төрайымы.

Естеріңізде болса, кеше РФ Президенті В. Путин Мемлекеттік Думаға Қазақстан, Қырғызстан, Армения, Беларуссия және Ресей елдерінің арасындағы қаржылық нарық айналымында жүруі тиіс ортақ валюта туралы заңның жобасын ұсынған еді. Ортақ валюта ЕАЭО-ға мүше елдер арасында ғана емес, жалпы ТМД елдеріне ортақ ақшаның жобасы болатыны айтылған-ды (http://abai.kz/post/view?id=4536). 

Abai.kz