Тәжікстанның білім және ғылым министрлігі білім беру орындарында жаңа жылдық шырша орнатуға тиым салды.

Мұндай бұйрыққа білім және ғылым министрі Нуриддин Саид қол қойды.

Министрліктің арнайы хабарламасында: «Оқу орындары үшін шырша кесуге, оларды орнатуға, безендіруге, фейерверктер мен пиротехниканы қолдануға, мерекелік дастархан жаюға, сыйлықтар беруге және Жаңа жылға арнап ақша жинауға тиым салынады», - делінген. Бұдан бөлек, мектеп оқушылары мен студенттердің жаппай мерекелік серуенге шығуына, мейрамханалар мен өзге де орындарда тойлауына да шектеу қойылды.

Шырша мерекесін ойлаудың орнына  Тәжікстанның білім және ғылым министрлігі Жаңа жылды мерекелеуге арналған шара аясында қабырға газеттерін дайындауға, мәдени және әдеби кештер ұйымдастыруға, спорт жарыстарын өткізуге кеңес береді.

Абай-ақпарат