Білім реформасы туралы:

1. Білім саласына екі күннің бірінде реформа жасау өте қатерлі қадам. Себебі оның зардабы мен кесірі жас ұрпаққа тиеді. Ал сәтсіз жасалған реформаның зардабын бір ұрпақтың санасынан тазарту үшін кемінде жарты ғасыр керек!!!

2. Басы ашық, елге және өз болашағыма керек дейтін жастарымыз шетел тілін (әсіресе ағылшын тілі) үйрену керек, үйреніп те жатыр. Бірақ тұтас ел тұрғындарын полиглот болуға итермелеу, сыпайылап айтқанда ол - барып тұрған әсіре науқаншылдық! Себебі қай елде де, қай кезде де шетел тілін қажетсінетін адам болады, шетел тілін қажетсінетін сала болады. Сол адам өзі-ақ шетел тілін тереңдетіп үйренеді де, сол қажет еткен салада жұмыс істейді. Бұл өркениетті, қалыпты елдің тірлігі! Ал біз тұтас Қазақ елінің баласын ағылшынша сайратып қойдық делік, сосын олардың бәрі ағылшын тілімен не істейді?!

Дүкен Мәсімхан,

FB-дағы парақшасынан алынды.