Жұма, 2 Мамыр 2025
Қоңырау 4448 0 пікір 6 Сәуір, 2016 сағат 15:42

МӘСІМОВ АРМЕНИЯҒА БАРУДАН БАС ТАРТТЫ

Үкімет басшысы Кәрім Мәсімов 8 сәуірде Ереванда жоспарланған Еуразия экономикалық одағы (ЕАЭО) елдері үкімет басшыларының кездесуіне бармайды деп хабарлады премьер-министр кеңсесінің баспасөз қызметі.

Баспасөз қызметі жетекшісінің орынбасары Думан Хамит әзірге сапардан бас тартудың себебін айта алмайтынын білдірді. 5 сәуірде ресейлік ақпарат құралдары ЕАЭО елдері премьер-министрлерінің саммиті кейінге қалдырылуы мүмкін екенін хабарлаған.

Ресей үкіметі ресми сайтының 5 сәуірдегі хабарына қарағанда, Ресей премьер-министрі Дмитрий Медведев Армения премьер-министрі Овик Абраамянмен сөйлесіп, жоспар бойынша 7-8 сәуірде Арменияға баратынын нақтылаған. Бұған қоса Медведевтің 8 сәуір күні Армениядан соң Әзербайжанға баратыны айтылған.

Медведев сонымен қатар Абраамянмен Қазақстанның Еуразия үкіметаралық кеңесінің отырысын келесі аптада Мәскеуде өткізу ұсынысын талқылаған.

ЕАЭО-ға Қазақстан,  Ресей,  Беларусь, Қырғызстан және Армения елдері мүше.

Аbai.kz

0 пікір

Үздік материалдар

Әдебиет

Алтын сандық

Бауыржан Омарұлы 305
Білгенге маржан

Сертіне берік самурай...

Бейсенғазы Ұлықбек 324
Бәрекелді!

«Родословная казахских ханов»: всемирное признание

Керимсал Жубатканов 298