Төлеби ауданында бидай орағы аяқталды. Биылғы өнім мол болып, шаруалардың көңілі жай тапты. Былтыр  2015 жылы  19071 гектар жерге дәнді-дақыл егіп, гектарына 24,1 центнерден өнім алған диқандар, биылғы   түсімділікті гектарына орта есеппен 27 центнерге жеткізді. 

Егіс алқабы 20613 гектар, оның ішінде 13369-ы бидай, 7244-і арпа. Бидай, арпалар толығымен орылып,  қамбаға құйылды.  Барлығы 55591,8  тонна өнім жиналды.  Бидай  37471,3 тонна. Арпа  18120,5 тонна шықты. Биылғы түсімнің  молдығын шарулар жауын-шашынның  көп түсуімен және субсидияланған тыңайтқыштың жеткілікті болуымен түсіндіреді.

75 комбайн, 153 жүк автөкөліктері жұмылдырылып, дәнді-дақылдар ысырапсыз жинап алынды. Арзандатылған жанар-жағар маймен толықтай қамтамасыз етілді.

Төлеби ауданында құрбан айт мерекесінде елу ірі қара құрбандыққа шалынды

"АДС- агро" ЖШС -нің мал сою алаңшасында Оңтүстік өңірі бойынша жеке кəсіпкерлердің ұйымдасуымен елу ірі қара сойылып, жағдайы төмен, аз қамтылған отбасыларға таратылуда. "АДС-агро" ЖШС- ның басшысы Д.Ахтаев өз тарапынан бес ірі қара мал құрбандыққа шалды. Етпен қоса Көксəйек ауылдық округіндегі мектептерде оқитын тұл жетім, жартылай жетім, жағдайы төмен жанұялардың балаларына мектепке оқу-құралдар мен азық-түлік таратты. Айт мерекесіне дастарқан жайылып, ас берілуде. Осындай азаматтарымыз көп болсын.

Abai.kz