Ертең Ресей Федерациясының Президенті Владимир Путин ресми іс-сапармен Қазақстанға келеді, - деп хабарлайды Ақорданың баспасөз қызметі.

Нұрсұлтан Назарбаев пен Владимир Путин арасындағы кездесу ертең Ақордада өтеді.

Ол жерде екі ел басшылары Еуразиялық экономикалық одақ және басқа да ұйымдар аясындағы қарым-қатынас жайын талқыламақ.

Екіжақты кездесулерден соң Мемлекет басшылары Қазақстан-Ресей бизнес форумына да қатысады деп күтілуде.

Бұдан ары президенттер Астанада өтетін Қазақстан мен Ресейдің ХІІІ аймақаралық әріптестік форумының жұмысына қатысады деп жоспарланған.

Пленарлы отырыстар аяқталған соң Н.Назарбаев пен В.Путин бірқатар құжаттарға қол қоймақ.

Бүгін Ресей Президенті Орынбор облысында кәсіпкерлермен кездесіп жүр.

Айта кетейік, осыған дейін Нұрсұлтан Назарбаев пен Владимир Путин 16-қыркүйекте Бішкекте өткен ТМД елдері басшыларының жиынында жолыққан болатын.

Abai.kz