Алматы облысының орталығы Талдықорған қаласындағы сауда үйлерінің бірінде жүріп келе жатқан ер адам қозғалмай, бір орында қатып қалған. Аяқ астынан тірі ескерткішке айналған адам айналадағылардың оны «оятпақ» болып әрекеттенген істерін де сезбей, мелшиіп тасболат болып бірнеше сағат бойы тұрған. Содан соң оны жедел жәрдеммен ауруханалардың біріне алып кетеді. Сөйтсе, қаққан қазықтай боп қатып қалған сабазың алкоголь ішімдігінен біраз сілтеп жібергеннен кейін интоксикациядан жүріп бара жатқан жерінде тастай болып қатып қалған. Дәрігерлердің көмегінен кейін тасболат сол күні аман-есен үйіне қайтыпты.

Абай болыңыздар!

Abai.kz