Нарық заманында нан тауып жеу оңайға соқпайды. Мұндайда кездескен қиыншылықтан тек білімді де біліктілер аман шығады. Сол себепті, оқушыларды осы бастан заман талабына сай біліммен сусындатып, өмір үшін күресе білуге икемдеу қажет-ақ.
Комсомол негізгі орталау мектебінде «Жастар өмір бойы білім алуы керек» деген тақырыпта өткен апталық көздегені-осы.
Оқушылардың танымдық көзқарасын, ой-өрісін, дүниетанымын кеңейтіп, ізденімпаздық, іскерлік қасиеттерін қалыптастыру мен білімге деген талпынысын нығайту мақсатындағы шара 10 кезеңнен тұрып, оған барлық сынып оқушылары атсалысты.
«Білім және еңбек» тақырыбында қабырға газетінен болған алғашқы байқау кезеңінде 5-сынып оқушылары (сынып жетекшісі Темірғалиева) суырылып алға шықты.
«Бала жақсы оқу үшін қалай көмектесу керек?» тақырыбында 2-сынып оқушылары (сынып жетекшісі Н.Жолдасова) мен ата-аналардың қатысуымен өткен дискуссия өз деңгейінен табылды.
Апталықтың үшінші кезеңінде «Білімді ұрпақ-ертеңгі ел тірегі» атты тақырыпта 5-сынып оқушылары мен ата-аналардың қатысуымен дөңгелек үстел ұйымдастырылса, 4-кезең «Білім-өмір шырағы» тақырыбында 3 және 4 сынып оқушыларының (сынып жетекшісі З.Зинуллина) ертеңгілігімен сабақталды.
Бесінші кезең «Білім мейрамымен» есте қалды. Насырова Майяның ұйымдастыруымен өткен танымдық ойын бәйгесі 6-сынып оқушыларының қатысуымен жүзеге асты.

Нарық заманында нан тауып жеу оңайға соқпайды. Мұндайда кездескен қиыншылықтан тек білімді де біліктілер аман шығады. Сол себепті, оқушыларды осы бастан заман талабына сай біліммен сусындатып, өмір үшін күресе білуге икемдеу қажет-ақ.
Комсомол негізгі орталау мектебінде «Жастар өмір бойы білім алуы керек» деген тақырыпта өткен апталық көздегені-осы.
Оқушылардың танымдық көзқарасын, ой-өрісін, дүниетанымын кеңейтіп, ізденімпаздық, іскерлік қасиеттерін қалыптастыру мен білімге деген талпынысын нығайту мақсатындағы шара 10 кезеңнен тұрып, оған барлық сынып оқушылары атсалысты.
«Білім және еңбек» тақырыбында қабырға газетінен болған алғашқы байқау кезеңінде 5-сынып оқушылары (сынып жетекшісі Темірғалиева) суырылып алға шықты.
«Бала жақсы оқу үшін қалай көмектесу керек?» тақырыбында 2-сынып оқушылары (сынып жетекшісі Н.Жолдасова) мен ата-аналардың қатысуымен өткен дискуссия өз деңгейінен табылды.
Апталықтың үшінші кезеңінде «Білімді ұрпақ-ертеңгі ел тірегі» атты тақырыпта 5-сынып оқушылары мен ата-аналардың қатысуымен дөңгелек үстел ұйымдастырылса, 4-кезең «Білім-өмір шырағы» тақырыбында 3 және 4 сынып оқушыларының (сынып жетекшісі З.Зинуллина) ертеңгілігімен сабақталды.
Бесінші кезең «Білім мейрамымен» есте қалды. Насырова Майяның ұйымдастыруымен өткен танымдық ойын бәйгесі 6-сынып оқушыларының қатысуымен жүзеге асты.
Сондай-ақ, апталықтың алтыншы кезеңінде оқу озаттары арасында сайыс өтсе,
жетінші кезең «Эрудит» тарихи-танымдық ойыны 7-сынып оқушыларының (сынып жетекшісі Б.Ашығалиева) қатысуымен жалғасын тапты.
«21 ғасыр көшбасшысын» анықтаған 8-сынып оқушыларының да, «Ал кәнекей, жұптар!» сайысында бақ сынаған 9-сынып оқушыларының өнері мен білімі көрерменін тәнті етті.
Апталық «Жыл оқушысы-2009» байқауымен қорытындыланды. Байқауға 5-9 сынып аралығындағы сынып екпінділері қатысты. Нәтижесінде, А.Амантаева (9 сынып) «Ең шығармашыл оқушы», Г.Ағыраева (7-сынып) «Сегіз қырлы оқушы», А.Аманша (6-сынып) «Ең үздік оқушы», Қ.Қырым (5 сынып) «Ең белсенді оқушы», Б.Ағыраев (8-сынып) «Жас ғалым» атанып, лайықты марапатталды.
Мектеп басшысының оқу мен тәрбие ісі жөніндегі орынбасары С.Жаниеваның қадағалауымен болған апталықтағы сайыс, дискуссия, дөңгелек үстелдің барлығы да тартымды әрі қызықты өтіп, көрерменін бей-жай қалдырмады.

Туралиева Жанат,
тәлімгер,
Комсомол кенті, Атырау облысы