Жұма, 29 Наурыз 2024
Арылу 7076 8 пікір 12 Маусым, 2017 сағат 06:29

Үкімет үйі мен Астана әкімшілігі "моңғол нақышын" қазақтікі деп ойлай ма?

Үкімет үйі мен Астана әкімшілігінің ғимаратының еденіне моңғолдың ұлттық нақышында безендірілген кілемдер төселетін болады, - деп хабарлайды Абай-ақпарат.

Asiarussia.ru басылымының жазуына қарағанда ҚР Үкімет үйі мен Астана әкімшілігі Моңғолияның "Эрдэнэт хивс" атты кілем тоқитын фабрикасына 2 600 шаршы метр көлемде кілем тапсырыс берген.

Біріншіден, басқаны қойшы, Үкімет үйі мен Астана әкімшілігінің өзі отандық өндірушілерді қолдамай, оның орнына моңғолға бүйрек бұруы ұлттық намыстың, мемлекетшілдік патриотизмнің жоқтығын білдіреді.

Екіншіден, Үкімет үйі мен Астана әкімшілігінің: "Әлемде ең сапалы кілем бұйымдары Моңғолияда тоқылады. Мұндай бұйымдарды еш жерден іздеп таба алмайсыз", -  деп айды аспанға шығаруы тағы да намыссыздық.

Үшіншіден, Үкімет үйі мен Астана әкімшілігі "бұл кілемдер ғимаратты көшпелі халықтардың, яғни моңғолдардың нақышымен безендіреді" деп түсініктеме берген.

Сонда моңғолдың нақышы қазақтың нақышы болғаны ма? Бүгінгі "моңғол" дегеніміз шын мәнінде - халхалардың, буряттардың, қалмақтардың синтезінен пайда болған жұрт. Қалмақ деген ұлт бір кездері қазақтың ата жауы болды. Демек, біздің мемлекеттік мекеме жоңғардың нақышын еденіне төсемекші деген сөз.

Осы істі қолға алғандар тым құрыса мемлекеттік мекемеге төселетін кілемдердің дизаинын өздері дайындап беруге болмас па еді? Бір кем дүние.

Шәріпхан Қайсар

Abai.kz

 

8 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1567
Алашорда

Қожанов межелеу науқанында (Жалғасы)

Бейбіт Қойшыбаев 2261
Ғибырат

Қайсар рухты ғазиз жан

Мұхтар Құл-Мұхаммед 3551