Өзбекстанда милиция қызметкерлері тергеу кезінде ер адамның аяғын сындырған
Өзбекстанның Жызақ елді мекенінде тұратын Акмал Хасанбоев "милиция қызметкерлері есірткі саудасына қатысты куәлік беріп, мойындатқызу үшін аяғымды сындырды" деп мәлімдеді. Ер азаматтың айтуынша, резіңке шоқпармен ұрғаннан, аяғының сүйектері сынған. Алайда жергілікті құқық қорғау органдары мұндай оқиға орын алған жоқ дейді.
38 жастағы Акмалдың айтуынша, 27 маусымда оны жергілікті милиция қызметкерлері ұстап, арнайы бөлімшеге алып кеткен.
– Милицияның төрт қызметкері мені шоқпармен ұрды, қинады. Олар мені түрмеге отырғызамыз, өлтіреміз деп қорқытты. Тергеушілер есірткі саудасымен айналыстым деп куәлік беруімді талап етті. Мен шыдай алмай, есімнен танып құлап қалдым, – дейді Акмал Хасанбоев.
Abai.kz
