Көмек тоқсанына бір рет беріледі. Осы мақсатта Еуропалық одақ және басқа да донорлардың ұсынысы бойынша мемлекеттік бюджеттен 80 млн сомони бөлініп отыр.

Тәжікстанның қаржы министрінің бірінші орынбасары Джамшед Каримзода аталған жоба алдымен елдің үш аймағында сынақтан сәтті өткенін айтады.

"Енді біз бұл тәжірибені республика бойынша енгізгелі жатырмыз. Осы мақсатта биылғы жылдың бюджетіне 80 миллион сомони бөлдік. Аз қамтылған отбасының әрбір мүшесі үшін 100 сомонидан бөлінеді. Бұл негізінен коммуналдық және басқа да шығындарды төлеу үшін беріледі», - дейді ол.

Дүниежүзілік банктің есебі бойынша, Тәжікстан тұрғындарының 13 пайызы кедейшілікте өмір сүреді. 2009 жылдан бері бұл көрсеткіш еш өзгермеген.

Abai.kz