Францияның қазіргі президенті Эмманюэль Макрон 16 жасында өзінің мұғалімі Бриджитке арнап эротикалық роман жазғаны анықталды, ол кейін сол әйелге үйленді. Бұл жөнінде жақында жарыққа шығатын президенттің әйелінің биографиясына сілтеме жасап Closer журналы жазды.

Кітапта Макронның көршісінің сөзі келтірілген, ол 1993 жылдары мәтін теру арқылы ақша тапқан көрінеді. "Бірде ол 300 беттік кітапты теріп беруімді өтінді, ол сол кезде жазып бітірген екен. Ол мықты роман болатын, қызықты! Есімдер әрине ойдан шығарылған, бірақ, менің ойымша, ол сол кездегі сезімін көрсеткісі келген", - делінген биографияда.

Францияның бірінші ханымы туралы кітап 17 қаңтарда сатылымға шығады.

Эмманюэль Макрон мектепте француз тілінен сабақ берген, театр үйірмесін жүргізген Бриджитке 2007 жылы үйленді. Lenta.ru мәліметтеріне қарағанда, Франция президентінің жұбайы өзінен 24 жас үлкен. Олардың ортақ баласы жоқ, бірақ Макрон әйелінің бірінші некеде туған бір ұлы мен екі қызын асырап алды.

Abai.kz