Тараз. 28 желтоқсан. ҚазТАГ – «РемКомСТРОЙ» ЖШС 27-ші желтоқсанда Жамбыл облысы Меркі ауданындағы Меркенка өзенінде шағын ГЭС-3-ті пайдалануға тапсырды, деп ҚазТАГ тілшісі хабарлады.

Шағын ГЭС-тің қуаты 1,5 Мвт. Жылдық өндіретін қуаты, болжам бойынша, 6,5 млн кВт/сағ. Жоба құны Т257 млрд. Электр қуатының құны стансаның шығу торабында ТЭН-ге сай ҚҚС-ты есептегенде - Т10,83 деп анықталған. Жобаның ақталу мерзімі – 7,5 жыл.

Гидротехникалық құрылымнан басқа пайдалануға қуаты 2000 кВА болатын 35/0,4 кВ –тық трансформаторымен  ОРУ-35 кВ (ашық тарату қондырғысы) тапсырылды.

Жамбыл облысында шағын 12 ГЭС салу бағдарламасын іске асырған соң, ол шағын ГЭС-тердің электр қуатын өндіру үлесі Жамбыл облысында электр қуатын жалпы тұтыну-өндіру көлемінің 25% үлесіне тең болады.

Шағын ГЭС-терді салу мен пайдалану Жамбыл облысына инвестицияларды тартуға мүмкіндік береді, жергілікті құрылыс материалдарына, метал құрылымдарына деген сұранысты арттырады.