Биылғы жаңартылған портреттер «Түркіменстан — Ұлы Жібек жолының жүрегі» деген сөздермен басылған. Бұл Түркіменстан президенті Гурбангулы Бердімұхамедовтің соңғы жарық көрген кітабының атауы.

Бюджеттік мекемеде істейтін жергілікті тұрғындардың айтуынша, бұл қосымша шығын. Себебі, жыл сайын президент портретін жұмыс бөлмесіне іліп қою үшін, жаңасын өз қалталарынан сатып алуды міндеттейді.

"Барлық мемлекеттік мекемелерде президент суреттері ауыстырылды. Ашхабадта мектеп мұғалімдері 25 манаттан (7 доллардан астам) ақша жинады", - дейді аты-жөнін құпия ұстауды жөн көрген мектеп директоры.

Abai.kz