Аталған ұйымның мәліметіне қарағанда, туыстарымен кездесуге рұқсат алғандардың ішінде түріктің ислам діни уағызшысы Саид Нүрсидің ілімін оқыған төрт "нұршы" бар. Олар былтыр мамыр және маусым айларында ұсталған.
"Сенімді дереккөз ақпараты бойынша, 2018 жылдың 28 маусымында "ислам экстремизмі" бойынша сотталған отыздан астам сотталушының туысы Ашхабадтан автобуспен Овадан-депедегі тергеу абақтысына жеткізілген. Туыстары мен сотталушылар ортасын бөліп тұратын әйнек арқылы 40 минөттей сөйлескен" деп хабарлайды "Мемориал".
Овадан-депе түрмесі Түркіменстан астанасынан 70 шақырым қашықтықта орналасқан. Бұл өте қатаң режимдегі түрме ретінде танымал. Құқық қорғаушылардың айтуынша, бұл жерге негізінен саяси астармен айыпталған сотталушыларды жібереді.
Халықаралық құқық қорғау ұйымдарының мәліметі бойынша, әлі күнге дейін саяси астармен сотталған жүздеген адамның тағдыры белгісіз.
Abai.kz
