Көркем гимнастикадан кеше ғана Қазақстан командасы сапында алтын медаль алған Алина Əділханова бүгін жекелей сында да топ жарды.

Алина жекелей сында жалпы есепте 66.800 ұпай жинап, Азия ойындарының жеңімпазы атанды. Күміс жүлде өзбекстандық Сабина Ташкенбаеваға (65,850), ал қола жүлде Қытай спортшысы Ятинг Жаоға (65,550) бұйырды.

Еске сала кетейік, көркем гимнастикадан топтық жаттығуда Алина Әділханова, Даяна Әбдірбекова және Адиля Тілекенова үштігі 159.850 ұпай жинап, чемпион атанған болатын.

Айта кетейік, бұл еліміз құрамасының сегізінші алтын медалі. Бұған дейін семсерлесуші Дмитрий Алексанин, велоспорттан Алексей Луценко (Топтық және жекелей сында), Джиу-джитсу шеберлері Дархан Нортаев (62 келі) пен Руслан Исраилов (77 келі) және көркем гимнастикадан Қазақстан командасы құрлық біріншілігінің бас жүлдесін жеңіп алған еді.

Abai.kz