Бейсенбі, 28 Наурыз 2024
2872 7 пікір 17 Қазан, 2018 сағат 14:42

Мәскеу орталығында Ислам Каримовке ескерткіш орнатылды

Мәскеу орталығындағы Якиманка муниципалды округінде Өзбекстанның тұңғыш президенті Ислам Каримов құрметіне ескерткіш қойылды. Осылай деп округтің депутаттар кеңесінің төрағасы Андрей Морев Facebook парақшасына жариялады.

Морев ескерткіш мәскеуліктерден құпия түрде, түнде автобус пен екі полиция көлігінің қоршауымен орнатылғанын айтады. «Жұмыс тек түнде жүрді. Егер ешнәрседен қорықпасақ, күндіз де жүргізе беруші едік», – деп жазады депутаттар кеңесінің төрағасы.

Биыл қаңтар айында Якиманка округінің депутаттары Мәскеуде Каримовке ескерткіш орнатуға қарсы шығып, тіптен Change.org сайты арқылы қол жинаған.

Петиция мәтінінде «Ислам Каримов ел басқарып тұрған жылдары орыстілді тұрғындарға қысым болды. Әліпби кириллицадан латынға көшірілді. Ұлы Отан Соғысына арналған мемориалды кешендердің бәрін бұзып тастады» делінген.

2016 жылдың қараша айында Мәскеу мэрі Сергей Собянин Ресей астанасына Өзбекстанның тұңғыш президенті Ислам Каримовке арнап ескерткіш орнату жөнінде қаулыға қол қойған. Құжатқа сәйкес, ескерткіш Якиманка ауданында 2019 жылдың 31 желтоқсанына дейін орнатылу керек болған.

Ислам Каримов Өзбекстанды 1989 жылдан 2016 жылдың қыркүйек айына дейін биледі. Ол 2 қыркүйекте, 78 жасында инсульттен көз жұмды. Каримов туған жері Самарқанда жерленді.

Abai.kz

7 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1561
Алашорда

Қожанов межелеу науқанында (Жалғасы)

Бейбіт Қойшыбаев 2251
Ғибырат

Қайсар рухты ғазиз жан

Мұхтар Құл-Мұхаммед 3504