Қазақтың қазіргі проблемасы жер дауы. Елімізде көптеген тұрғынның таусылмайтын түйіткілі осы ұлтарақтай жерді заңдастырудың бітпейтін машақаты.

Өзім ауада тұрғандықтан, себебі 9 қабатта тұрамын. Жердің мәселесіне биыл тереңірек үңілдім. Зерттедім. Төбе шашым тік тұрды.
Алматы маңында, Алматы облысында жергілікті билік тұрғындарға үй салуға рұқсат береді. Ал жер телімі жалға беріледі. Үй иесі жерді екі жылда жекеменшікке рәсімдемесе, яғни мемлекеттік акті алмаса, үйдей пәлеге тап болып, нағыз шырғалаң басталады.

Осылайша 20 жылдан бері жүйкесі жұқарып, нервтен тентіреген халықтың тауқыметін естігенде құйқа шымырлайды.