Бейсенбі, 28 Наурыз 2024
2371 0 пікір 19 Қараша, 2018 сағат 13:17

Түркістан облысында "Рухани жаңғыру" бағдарламасының аясында "Отырар жәдігерлері" атты кітап жарық көрді

Елбасы Н.Назарбаевтың “Болашаққа бағдар: рухани жаңғыру ” атты мақаласында сәйкес көне, тарихи жәдігерлердің маңыздылығы мен оларды насихаттау жөнінде айтылған болатын. Осы бастама өңірлерден қолдау тауып, сол бағытта түрлі жұмыстар атқарылып жатыр.

Мәселен, жуырда Түркістан облысының  Отырар ауданында "Отырар жәдігерлері" кітабы жарық көрді. Аудандық əкімішіліктің демеушілігімен жарық көрген туындының авторлары мемлекет және қоғам қайраткері Қуаныш Айтаханов пен этнограф, өлкетанушы Абдулла Жұмашев.

Елбасымыз Н.Ә.Назарбаевтың "Рухани жаңғыру" бағдарламасының аясында жарық көрген туында  туған жердің қасиетті жерлері мен жәдігерлерін насихаттау мақсатында шығып отыр. Альбом-кітап Отырар өркениеті қалыптастырған заттық-тұрмыстық жəне рухани мəдениеттен сыр шертеді. Онда Əбу Нəсір əл-Фараби жəне оның арғы-бергі ізбасарларының қолжазбалары мен тасбаспа мұралары, олардың өзі жəне отбасы тұтынған мүліктер мен басқа да археологиялық-этнографиялық қолөнер бұйымдары жайлы жазылған.

Сондай-ақ, шаруашылық құрал-саймандары, Отырардың құпия көмбелері, 1930 жылға дейін Арыстанбаб кесене-мешіті жанында рухани ағарту ошағы болған шағын мұсылман кітапханасы туралы да сөз болады. Кітаптағы иллюстрациялық материалдар негізінен Отырар мемлекеттік археологиялық қорық-музейі мен «Руханият - Əбу Нəсір əл-Фараби музейі» мемлекеттік коммуналдық қазыналық кəсіпорынның қорында, сондай-ақ, жеке кісілердің қолында сақталған қолөнер бұйымдарының түпнұсқасынан, фотосуреттерден түсіріліп пайдаланылған.

Тың туынды ежелгі заттық жəне рухани мұраны қастерлейтін көпшілікке арналып отыр.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2256
Ғибырат

Қайсар рухты ғазиз жан

Мұхтар Құл-Мұхаммед 3522