Жұма, 29 Наурыз 2024
1909 0 пікір 19 Қараша, 2018 сағат 15:41

Түркістан облысында 87 жоба бойынша 11 мың жұмыс орны ашылады

Елбасы Нұрсұлтан Назарбаев Қазақстандықтардың әл-ауқатының өсуі: табыс пен тұрмыс сапасын арттыру атты Қазақстан Халқына арнаған Жолдауында кәсіпкерлікті дамытуға ерекше мән бергені белгілі. Бүгінде Мемлекеттің қамқорлығының арқасында өңірлерде кәсіпкерлік саласы жан-жақты дамып келеді.

Осыған сәйкес, Түркістан облысында 2015-2019 жылдарға арналған кәсіпкерлікті қолдау картасына жалпы инвестиция көлемі 426 млрд.тг. құрайтын 87 жоба енгізіліп, алдағы уақытта 11 мың жұмыс орны ашылатын болады.

2018 жылдың қаңтар-қыркүйек айларында Түркістан облысының 300 астам өнеркәсіп кәсіпорындарымен 323,9 млрд.теңгенің өнімі өндіріліп, нақты көлем индексі 97%-ды құраған. Бұл туралы Түркістан облысының Өңірлік коммуникациялар қызметінде Кәсіпкерлік және индустриалды-инновациялық даму басқармасының басшысы Ғанибет Әубәкіров айтып берді. Өнеркәсіптің көлемінің төмендеуіне Түркістан облысының уран өңдейтін кәсіпорындарының көлемінің төмендеуі әсер еткен. Өнеркәсіптің нақты көлем индексі бойынша уран өндіруші кәсіпорындардың үлесі 46% астам, өнеркәсіптегі металлургияның үлесі 12% құрайды.

Түркістан облысында 2015-2019 жылдарға арналған кәсіпкерлікті қолдау картасына жалпы инвестиция көлемі 426 млрд.тг. құрайтын 87 жоба енгізіліп, алдағы уақытта 11 мың жұмыс орны ашылатын болады. 2015-2017 жылдар аралығында 19 млрд.теңгеге 35 жоба іске қосылып, 1 000 астам жұмыс орыны ашылды. Жобалардың есебінен 2017 жылдың қорытындысы бойынша 7 млрд.тг. тауар өндіріліп, өңдеу өнеркәсібіндегі үлесі 3%-ға жетті. 2018 жылы 16,8 млрд.тг 9 жобаны іске қосу жоспарланған, оның ішінде 4 жоба іске қосылыпты.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1584
Алашорда

Қожанов межелеу науқанында (Жалғасы)

Бейбіт Қойшыбаев 2284
Ғибырат

Қайсар рухты ғазиз жан

Мұхтар Құл-Мұхаммед 3624