Дональд Трамп бұл мәлімдемесін Ақ үйде Венесуэланың уақытша президенті деп танылған оппозиция лидері Хуана Гуайдоның әйелі Фабьяна Росалеспен кездесу кезінде айтты. Онда АҚШ вице-президенті Майк Пенс те болған. Ол Ресей әскерінің Венесуэлаға жіберуін арандату деп мәлімдеді.

24 наурызда Венесуэла астанасы Каракасқа Ресейдің Ил-62 және Ан-124 әскери ұшақтары қонған. БАҚ ақпараты бойынша, ұшақпен жүздеген сарбаз бен 35 тонна әскери жүк түсірілген.

Сейсенбі күні Reuters агенттігі Венесуэлаға барған ресейлік әскердің ішінде арнайы киберқауіпсіздік жөнінде мамандар барын хабарлады.

Венесуэлада саяси дағдарыс жалғасып жатыр. АҚШ Хуана Гуайдоны қолдаса, Ресей қазіргі президент Николас Мадуроға көмек көрсетіп отыр.

Abai.kz