Бүгінгі күні Президентіміз Қасым-Жомарт Тоқаевтың сайлау өткізу туралы халыққа үндеуі нағыз уақытында көтеріліп отырған мәселе.

Демін ішіне тартып отырған халықты да, елімізге караған сырт көзді де сабасына түсіру қажет болды. Сол себепті де бұл шешім халық ішінде қолдау табады деп санаймын.

Ең басты мәселе халықтың арасында бірлік пен тұрақтылықты сақтау. Қазіргі елімізде болып жатқан толқыныс кезеңінен тезірек өтуіміз үшін сайлау өткізгеніміз өте дұрыс шешім деп қабылдаймын. Өйткені бұл сайлау халықтың көкейінде жүрген түсініксіз сұрақтарға жауап болатынына сенемін.

Бүгінгі күні халқымызға өзі таңдап сайлаған президент керек екендігін түсінген Қасым-Жомарт Тоқаев халыққа сол істі жүзеге асыруға мүмкіндік берді.

Асылы Осман

Қоғам қайраткері

Abai.kz