Сейсенбі, 20 Тамыз 2019
Әлеумет 2280 4 пікір 13 Мамыр, 2019 сағат 16:30

«Әлеуметтік желі демократияға қауіп төндіреді»

Facebook құрылтайшыларының бірі Крис Хьюз әлеуметтік желіні монополист деп атап, демократияға қауіп төндірмес үшін оны бөлу қажет деді.

Хьюздің пікірінше, компания басшысы Марк Цукербергтің ықпалы үкіметтің немесе бизнес өкілдерінен зор. "Facebook алгоритмін қалай өзгерту керектігін жалғыз Марк шешеді. Марк билігі шексіз және Америкаға жат", – деп жазды Хьюз.

Хьюз Facebook'ке тәуелді Instagram және WhatsApp желілерін жеке компанияларға бөлуді ұсынды. Оның пікірінше, Федералдық сауда комиссиясы бұл желілердің қосылуына жол бермеуі тиіс еді.

Бұған қоса ол Конгресті интернет тұтынушылардың мәліметтерінің жасырын болуына жауапты жаңа федералдық агенттік ашуды ұсынды.

Abai.kz

4 пікір