Ержан Бабақұмаров Президент кеңесшісі - Президент Әкімшілігінің Талдау және болжамдау орталығының меңгерушісі қызметінен босатылды.

Бұл туралы Ақорданың ресми сайтында хабарланды.

- Мемлекет басшысының Өкімімен Ержан Жалбақұлы Бабақұмаров басқа жұмысқа ауысуына байланысты Қазақстан Республикасы Президентінің кеңесшісі – Қазақстан Республикасы Президенті Әкімшілігінің Талдау және болжамдау орталығының меңгерушісі қызметінен босатылды, - деп жазылған ресми мәлімдемеде.

Ержан Жалбақұлы Бабақұмаров 1969 жылы 2 наурызда дүниеге келген. Қазақстан Республикасының мемлекет және қоғам қайраткері, Қазақстан Республикасы Президенті жанындағы Орталық коммуникациялар қызметінің директоры, саясаттанушы, саяси ғылымдар кандидаты. ҚР Саяси ғылымдар академиясының академигі.

Әл-Фараби атындағы Қазақ мемлекеттік университетін (1991) саясат тарихының оқытушысы мамандығы бойынша оқыған. 2005-2006 жылдары Президент Әкімшілігінің Талдау және болжамдау орталығының меңгерушісі қызметін атқарды. Ал 2019 жылдың 5 сәуірінде Президент кеңесшісі болып тағайындалды.

Abai.kz