Seysenbi, 25 Aqpan 2020
Qoğam 1870 0 pikir 13 Naurız, 2017 sağat 09:10

AYIPTALUŞIĞA QARSI JÄBİRLENUŞİNİÑ AYTARI JOQ PA?..

8-naurız küni «Abai.kz» aqparattıq portalında käsipker Qonay Masiphannıñ QR Bas Prokurorı Jaqıp Asanovqa jazğan Aşıq hatı jariyalanğan bolatın. «Asanovqa Aşıq hat. Kinäsiz sottalıp ketetin boldım» attı käsipkerdiñ janayqayı 9-naurız küni «Dalanews.kz» saytında da jarıq kördi.

Naurızdıñ 10-ı küni atalğan mäselege qatıstı Almatı oblısı, İle audandıq sotında qılmıstıq-processualdıq is qaraldı.

Biz Sot otırısına qatısıp, eki taraptıñ da uäjine qwlaq türmek boldıq. Maqsat -«Abai.kz» aqparattıq portalı men «Dalanews.kz» saytında jarıq körgen Aşıq hat mazmwnımen tanısıp şıqqan soñ, jäbirlenuşi taraptıñ pikirin bilu bolatın. Sot processine qatısuımızğa Prokuror mırza men ayıptaluşı taraptıñ qorğauşıları qarsı bolmadı.

Alayda jäbirlenuşi Baqıtbek Twtubaev pen onıñ qorğauşılıranıñ ötinişi boyınşa, sud'ya bizdi Sot zalınan şığarıp jiberdi.

Degenmen, biz Sot processiniñ ayaqtaluın kütip, Sot zalınan şığa beriste jäbirlenuşi men onıñ qorğauşıların sözge tarttıq.

Jäbirlenuşi Baqıtbek Twtubaev bizge pikir bildiruden üzildi-kesildi bas tartıp, «bwlar bäribir söziñdi bwrmalap jiberedi» degendi ayttı. Al, jäbirlenuşiniñ qorğauşısı (advokat) İliyas esimdi azamat bolsa, birden: «Senderdiñ sayttarıñ men gazetteriñdi japtırıp tastaymız» dep, bizge öketem söyley jöneldi. Sol sätte biz diktofondı qosıp, advokat mırzadan atalğan iske qatıstı pikirin swradıq. Aradağı az-kem dialog bılayşa örbidi:

Advokat: – Siz nege Bas Prokurordıñ beynesin onıñ rwqsatınsız qoldanasız, öz saytıñızğa? 145-GK otkroyte. Zakon otkroy.

Tilşi: – Siz advokatsız ğoy. Aldımen atı-jöniñizdi aytıñızşı anıqtap?..

Advokat: – Men ne üşin aytuım kerek atımdı?

Tilşi: – Siz advokat retinde qarsılığıñızdı ayttıñız ğoy, älgi Aşıq hatqa qatıstı.

Advokat: – Qanday hat? Qaşan?..

Tilşi: – -«Abai.kz» pen «Dalanews.kz» sayttarında jariyalanğan hat.

Advokat: – Qaşan pretenziya qoydım?

Tilşi: – Siz qarsı tarap ökili retinde Qonay Masiphannıñ Aşıq hatına qarsı ne aytasız? Sonı bilgimiz keledi.

Advokat: – Oy, qoyşı, bauırım...

Advokatpen aramızdağı sarañ swhbattıñ sıqpıtı osı boldı. Ökinişti. Şaması, ol jäne onıñ qorğauındağı twlğa «Abai.kz» pen «Dalanews.kz» sayttarın ayıptaluşı Qonay Masiphannıñ ıqpalındağı, sonıñ sözin söylep, soyılın soğatın baspasöz dep oylap jürse kerek. Eger jäbirlenuşi Twtubaev tarapı olay oylasa, qatelesedi. Öytkeni biz Qonaydıñ qolşoqparı emesipz. Qala berdi, BAQ turalı zañ talabı boyınşa ekinşi jaqtıñ da uäjine qwlaq asıp, sözin jariya etuimiz kerek. Osı maqsatta atalğan iske baylanıstı sub'ektivti közqaras qalıptaspauı üşin, jäbirlenuşi Baqıtbek Twtubaev pen onıñ advokatınan pikir aluğa qanşa tırısqanımızben, onımızdan tük önbedi. Kerisinşe, özimizge qarsı negizsiz ayıp tağılıp, qoqan-loqqı jasaldı («senderdiñ sayttarıñ men gazetteriñdi japtırıp tastaymız». Advokattıñ bwl ayqayın Sot zalında otırğan tört adam estidi). Alayda biz olardıñ (B.Twtubaev pen onıñ qorğauşılarınıñ) älgindey sözin qajığandıqtan bolar dep oyladıq. Äytse de  köñilimizde: ayıptaluşınıñ Aşıq hatına baylanıstı jäbirlenuşiniñ de uäji, qarsı argumenti, jauabı boluı kerek qoy, nege sonısın aytıp, öz ayağımen Sot otırısına barıp twrğan jurnalisterdiñ qızmetin paydalanbadı degen swraq qaldı.

Kelesi Sot otırısı 15-naurızğa bekitildi. Aldağı uaqıtta Baqıtbek Twtubaev pen onıñ qorğauşıları öz pikirlerin aytuğa niet tanıtsa, BAQ turalı Zañ ayasında jariyalauğa dayın ekenimizdi eskertemiz.

Toqtaräli Tañjarıq, «Qala men Dala» gazetiniñ bas redaktorı

Nwrgeldi Äbdiğaniwlı, «Abai.kz» aqparattıq portalınıñ kontent-redaktorı


0 pikir