Senbi, 21 Säuir 2018
Kübirtke 1187 5 pikir 15 Naurız, 2018 sağat 09:28

Bälieva zorlandı degen OQO-lıq balanıñ jağdayın aytıp berdi

QR bala qwqıqtarı jönindegi uäkili Zağipa Bälieva zorlıq kördi delingen oquşı balamen kezdesti, - dep habarlaydı Abay-aqparat Tengrinews.kz tilşisine silteme jasap.

Kezdesuden keyin ol tilşilerge bergen swhbatında balanıñ jağdayın ayttı. Bälievanıñ aytuınşa, balanıñ densaulığı men qwqığın qorğau maqsatında tergeuşi balağa eşkimniñ de qanday da bir swraq qoya almaytın qaulı şığarğan.  "Tipti men balağa swraq qoya almaymın. Meniñ maqsatım - balanıñ qauipsizdikte ekenin anıqtau edi. Onıñ janında tuğan-tuısqandarı bar, olar tergeuşiniñ qaulısına säykes, zorlıq taqırıbında söylemeui tiis. Bala demaluı kerek, onıñ janında psiholog bar. Bala öte köñildi. Demaluı üşin bir-eki kün kerek siyaqtı", - dedi ol.

Deputat balanıñ anasımen tildeskenin ayttı. "Bala qauipsiz jerde ekenine köz jetkizdim. Anasın köp uaqıt boyı taba almadıq - anasımen söylestim, ol da kelisti. Endi Astanada kezdesemiz, olar menimen birge Astanağa wşadı. Balağa qolaylı jağday jasau qajet, sebebi qosımşa saraptama jasau balağa stress. Memlekettik organ ökilderi klinicister men psihologtardı, psihiatrlar men balalar därigerin beruge dayın", - dep atap ötti Bälieva.

Sonımen qatar, Bälieva qazirgi memlekettik bağdarlamalar boyınşa bala men onıñ otbası qorğauğa alınıp, jwmıspen, baspanamen jäne jaña mekteppen qamtamasız etiledi.  "Otbasınıñ barlıq müşesi, onıñ işinde şeşesi jwmısqa ornalasa aladı. Olarğa baspana beriledi. Ol jaña mektepke baradı, jaña dostarı boladı. Oğan qazir ğana emes, bolaşağına da qauipsiz jağday jasauımız qajet. Sebebi balanıñ bolaşağı bar. Äjesimen söylestik, olar köşuge dayın", - deydi ol.

Bwğan deyin Zağipa Bälieva zorlıq kördi delingen balamen kezdesu üşin Şımkentke 14 naurızda tüngi uaqıtta wşıp kelgen bolatın.

Eske salayıq, Jelide OQO-nıñ Sarıağaş audanındağı Abay auılında jeti jasar bala zorlandı degen aqparat tarağan. Keyin TVK mälimetinşe, OQO İİD ökilderi bwl derekke qatıstı QR Qılmıstıq kodeksiniñ 121-babınıñ 4-böligi ("Seksualdıq sipattağı zorlıq-zombılıq äreketteri") boyınşa qılmıstıq is qozğalğanın habarlağan. Alayda küdiktiler nemese wstalıp, qamalğandar jaylı eşqanday mälimet tüspedi. Artınşa bilim jäne ğılım vice-ministri Bibigül Asılova saraptama qorıtındısı oquşı balanıñ zorlanğanın rastağanın habarlağan.

Abai.kz

5 pikir