Särsenbi, 19 Aqpan 2020
Pikir 1128 1 pikir 9 Qırküyek, 2019 sağat 15:07

Marat Täjin: «Abaydıñ ruhani mwrasın saqtau, zerdeleu men nasihattau – wlt aldındağı parızımız»

Bügin Aqordada Qazaqstan Respublikasınıñ Memlekettik hatşısı Marat Täjinniñ törağalığımen Abay Qwnanbaywlınıñ 175 jıldıq mereytoyın dayındau jäne ötkizu jönindegi Memlekettik komissiyanıñ otırısı ötti.

Otırıstı aşqan Memlekettik hatşı Marat Täjin «Ruhani jañğıru» bağdarlamasınıñ mañızdı bağıtı wlttıñ «mädeni kodın» saqtau bolıp tabıladı, bwl orayda, mereytoylıq is-şaralar Abaydıñ ruhani mwrasın saqtauğa, zerdeleuge jäne nasihattauğa bağıttaluı tiis, – dep atap ötti.

Otırısta söz söylegen Mädeniet jäne sport ministri Aqtotı Rayımqwlova, Bilim jäne ğılım ministri Ashat Aymağambetov, Aqparat jäne qoğamdıq damu ministri Däuren Aymağambetov, Gumilev atındağı EWU rektorı Erlan Sıdıqov, Şığıs Qazaqstan oblısınıñ äkimi Daniyal Ahmetov, Wlttıq audarma byurosınıñ atqaruşı direktorı Rauan Kenjehanwlı  josparlanğan is-şaralar men jobalar turalı bayandadı.

Abay şığarmaları şetelderdiñ irgeli tilderine jäne türki halıqtarınıñ tilderine audarılıp, jarıqqa şığarıladı. Wlı aqınnıñ ömiri men şığarmaşılığı turalı derekti fil'mder tüsiriledi. YUNESKO-nıñ Ştab-päterinde Qazaqstannıñ üzdik şığarmaşılıq wjımdarınıñ Gala-koncerti jäne tanımal abaytanuşı ğalımdardıñ qatısuımen  halıqaralıq ğılımi-praktikalıq konferenciya ötedi. Mereytoyğa arnalğan halıqaralıq konferenciya elordada ötedi. Mädeniet jäne sport ministrligi jäne äkimdikter wlı oyşıldıñ mwraların nasihattau boyınşa teatrlandırılğan qoyılımdar, muzeylik eksponattar, kitap körmelerin, şığarmaşılıq konkurstar men festival'der, aytıstar, ekspediciyalar, çellendjder, fleş-mobtar jäne basqa da köptegen is-şaralar josparlap otır. Abay atındağı memlekettik akademiyalıq opera jäne balet teatrı Türkiya, Resey jäne Qıtayda «Abay»  operası qoyılımın sahnalaydı.

Elimizdiñ barlıq mektepterinde aşıq sabaqtar, şığarma jazudan, aqın öleñderi men qara sözderin mänerlep oqudan konkurstar ötedi. Abay şığarmaşılığın üzdik biluge arnalğan oquşılar arasındağı jalpırespublikalıq olimpiadanıñ jeñimpazdarı men laureattarına Gumilev atındağı EWU men äl-Farabi atındağı QazWU-da oqu üşin 50 bilim grantı tağayındalatın boladı. Olar elordada ötetin «Abay Balı» saltanatınan qatısadı. Mwğalimder men oqıtuşılar arasında Abay şığarmaşılığın oqıtudıñ üzdik ädistemesi boyınşa da konkurstar ötedi. Elimizdiñ barlıq joğarı oqu orındarında «Abay oquları», konferenciyalar men simpoziumdar, poetikalıq jäne ädebi festival'dar, konkurstar men olimpiadalar ötkiziledi. Ğılımi jwmıstardı jüyeleu üşin EWU janınan «Abay akademiyası» qwrıladı, sonday-aq abaytanu boyınşa ğılımi granttar kölemi wlğaytıladı.

Mass-mediada jäne internet jelisinde keñ türde taratu arqılı wlı aqınnıñ ömiri men şığarmaşılığı turalı birneşe televiziyalıq jäne radiobağdarlamalardıñ jäne basqa da media önimderdiñ şığarılımı josparlanuda.  Elimizdiñ şığarmaşılıq odaqtarınıñ jwmısında Abay jäne onıñ mwrası erekşe orın tabuı tiis. «Abaytanu» boyınşa beyne jäne audio därister toptaması äzirlenip, «Abay älemi» portalı jañğırtıladı.

Mereytoy barısında «Abay-Şäkärim» mavzoley keşeni, Abaydıñ muzey üyi, Qwnanbay qajı äuletiniñ qorımı jöndeuden ötkizilmek. Oblıs äkimdigi Abay audanındağı birneşe jol uçaskelerine jöndeu jwmıstarın jürgizudi josparlap otır.

Memlekettik hatşı Marat Täjin Memkomissiyağa Memleket basşısına üş bastamamen şığudı wsındı: Semey qalasındağı äuejayğa Abay esimin beru; Ädebiet jäne öner salasındağı memlekettik sıylıqtı Abay atındağı memlekettik sıylıq dep özgertu; Qazaqstannıñ elşilikteriniñ bazasında «Abay ortalıqtarın» qwru.

Ükimet Abay Qwnanbaywlınıñ 175 jıldıq mereytoyın dayındau jäne ötkizu jönindegi jalpırespublikalıq jospardıñ jobasın Memlekettik komissiyanıñ qarauına 2019 jıldıñ 1 qazanına deyin engizui tiis.

Sonday-aq, bügin Memlekettik hatşı Äbu Nasır äl-Farabidiñ 1150 jıldıq mereytoyın dayındau jäne ötkizu jönindegi Memlekettik komissiyanıñ otırısın ötkizdi.

Elbasınıñ «Wlı dalanıñ jeti qırı» maqalasında atalğan wlı esimder işinde  äl-Farabidiñ atı birinşi twr. Onıñ mwrası älemdik örkeniettiñ igiligi bolıp tabıladı, – dep atap ötti Memlekettik hatşı otırıstıñ aşıluında.

Bilim jäne ğılım ministri Ashat Aymağambetov, äl-Farabi atındağı QazWU rektorı Ğalım Mwtanov, Sırtqı ister ministriniñ birinşi orınbasarı Mwhtar Tileuberdi, Aqparat jäne qoğamdıq damu ministri Däuren Abaev mereytoy ayasında josparlanğan jobaları turalı bayandadı.

Mereytoy şeñberinde Äl-Farabi atındağı Qazaq wlttıq universitetiniñ bazasında onlayn jurnal şığaru arqılı farabitanuşılardıñ halıqaralıq ortalığın qwru josparlanuda. «äl-Farabi jäne älemdik örkeniet» attı halıqaralıq ğılımi simpoziumge dayındıq bastaldı. Wlı wstazdıñ eñbekteri audarılıp, jarıqqa şığarıladı, derekti fil'mder men teleradio bağdarlamalar tüsiriledi. Elimizdiñ barlıq joğarı oqu orındarında, ğılımi jäne mädeni wyımdarında halqımızdıñ dañqtı twlğasınıñ mwraların nasihattauğa bağıttalğan konferenciyalar, simpoziumder jäne basqa da köptegen bilim, mädeni akciyalar ötedi.

Abai.kz

1 pikir