Жексенбі, 23 Шілде 2017
Абай.tv 1666 5 пікір 18 Сәуір, 2017 сағат 12:36

Қытай жаңалықтар арнасы Димаш туралы

Астанаға арнайы келген Қытай Халық Республикасының журналистері Қазақстан Республикасы Мәдениет және спорт министрі Арыстанбек Мұхамедиұлымен кездесіп, сұқбаттасқан соң төмендегідей хабар таратты:

-Қытай Халық республикасы  Хунань провинциясының Чанша қаласында өткен биылғы «І аm Singer» жобасына  Қазақстан Республикасынан келген дарынды әнші Димаш Құдайбергенов сөз жоқ биік деңгейде өнер көрсетті.

Қазақ елінен осы додаға қатысқан жас та болса  үлкен дарын иесі ғажайып өнер көрсетіп, іріктеу кезеңдерінде алдыңғы орындарды, ал кей реттерде үнемі бірінші орындарды иеленді. Сөйтіп,  әркез жоғары тұғырдан табылып, жұлдызы жанды.

 

Қазақстан мемлекетінің Мәдениет және спорт министрі Арыстанбек Мұхамедиұлы осы жетістікке байланысты өз көзқарасын білдірді. Біздің арнамыздың тілшілеріне берген сұхбатында министр әншінің шеберлігін,   ән орындау ерекшелігімен тыңдаушысын тамсандырған   дарын иесі екендігін тілге тиек етті. Димаш осы өнері арқылы Қазақстан мен Қытайдың мәдени байланыстарына үлкен серпін бере отырып, өнер саласындағы екі елдің  ынтымақтастығын  алға жетелейтін ерекше құбылысқа айналды дейді.

Қазақстан Республикасының Мәдениет және спорт министрі  Арыстанбек Мұхамедиұлы музыканы ерекше қастерлейтін және сүйетін жан. Қолы қалт еткен кезде ол фортепианоға отырып, бой сергітеді.

«Музыка қасиетті дүние!  Ол - ұлттар арасындағы байланыстың алтын діңгегі тәрізді. Димаш секілді тарлан талант Қытай мен Қазақстанның мәдени байланысына керемет қозғау салды. Қытай тілі – ерекше тіл! Ал Қытайдың әнін біздің Димаш қытай тілінде орындаған кезде, біз ерекше шаттандық. Сонымен бірге қатты  қобалжығанымыз да рас», - дейді министр бізге берген сұхбатында.

2017 жылы Қазақстан мен Қытайдың дипломатиялық қатынастарына 25 жыл толып отыр. Оның үстіне биыл Қытайдың Қазақстандағы туризим жылы. Алдағы маусым айында Астанада халықаралық ЭКСПО көрмесі өтеді. Осы көрмеде музыка мәдениетінің қайталанбас туындылары қойылады деп күтілуде. Министрдің сөзіне қарағанда, оның дайындығы соңғы мәресіне жетіп қалды. Димаштың өнері Қытай азаматтарының Қазақстанға келуіне даңғыл жол ашады.

Министр А. Мұхамедиұлы: «Қазақстанға келіп сұхбат алуға ниет білдіргендеріңіз үшін алғысымды білдіремін. Мұның бәрі мәдени қатыныстарымызды жаңа  белестерге шығарады» деді.

Димаш ЭКСПО-да өнер көрсетеді деп күтілуде. Оның хас шеберлігі елдің ЭКСПО-ға деген үлкен ықыласын туғызады.  Екі елдің қатынасы өте тығыз. Тереңде жатыр. Әсіресе мәдениет саласында. Ал, Димаш осынау ара-қатынасқа жан бітіріп отыр.

Сөз жоқ Димаш ең мықтылардың қатарында!

Редакциядан: Hunan Television (Hunan TV) – провинциалық спутниктік телестанция. Ол 1997 жылдың қаңтарында іске қосылған. Hunan TV - Қытай арналарының ішінде  көрермені көп екінші арнаға айналып отыр.  Бірінші орында - China Central Television-ға қарасты CCTV-1 арнасы. 

Hunan TV   Қытай Халық Республикасының едәуір бөлігін, соның ішінде Макао, Гонконг пен Тайваньді қамтып отыр.  Бұл каналдың белгілері Солтүстік Америкада, Жапонияда, Австралияда және  Еуропаның кейбір бөліктеріне де таратылады.   

Телеканалдың басты бағыты - ойын-сауық шоулары. Соның ішінде  «Бақытты лагерь», «Әке, біз қайда барамыз?», «I Am a Singer» и «Day Day Up» жобалары көрермендердің ерекше сұранысына ие.

Abai.kz

5 пікір
тТт 2017-04-19 20:46:32
I am Singer... Қатысқан кілең пері Димаш та жанын салды , білем тегі. Дайын асқа тік қасық бола қалар, Бар болыңдар! Нұротанның "мәдениетті" шлендері.
Адайшал 2017-04-18 21:17:20
Келуін келерау құмырсқадай шұбырып, ал енді соларды кері қайтару тетігі қалай болмақ, мына әңгібастар соны ойландыма екен. Үш айға созылған көрмені сылтауратып бір-бір жырбақайымызға үйленіп алып шіреніп жатып алса қайтпек, миғұлалар келсе болды, артын көрежатармыз деп отырған сыңайлы.
Серікбай 2017-04-18 19:21:57
Касым-Жомарт Токаев айтқандай "мягкая сила",«Тәңір өзі назарына алған жас әнші, ондай дауыс менде де болса деп армандаудың қажеті жоқ, ол оған Құдайдың берген сыйы» .
Ким чен 2017-04-18 18:51:15
Димаштың өлеңдерін тындап азғындап суға батып отыра беріңдер сорлы байқұстар
Бақтияр 2017-04-18 18:07:45
Димаштың бір өзінің өнері осы әпенде басқарған министрліктің барлық тындырған жұмысынан артық. Бұл енді келіп "Димаштың өнері Қытай азаматтарының Қазақстанға келуіне даңғыл жол ашады" деп соғып тұр. Аңсағаны сол болса, сол елге барып тұрсын. Бізге бұның тесік тиынға керегі жоқ. Айналайын Абайлықтар, елдің мәдениетіне, өнеріне жандарыңыз ашыса, осының суретін және Сағадиевтің ұсқынын сіздердің сайттарыңыздан көрмей-ақ қояқшы. Онсыз да жүйкемізді ай сайын шығатын жаңа бағдарламалар мен жолдаулар тоздырып бітті.

Үздік материалдар

Анық

Олар қалай байыды?

Руслан Ахмағанбетов 21564