Shyndyqtyng janazasy...
(Býgingi satira)
Qazaqstanda Shyndyq qaytys boldy. Qashan? Keshe atyp ketti... Janazagha Jaghympazdar ministri, Namyssyzdar ministri, Ótirik ministri, Mafiya ministri, taqqúmarlar men baqqúmarlar, әrtis-deputattar, klandar men jylandar keldi.
Halyq kóp jinaldy.
– Shyndyqsyz qalay el bolamyz? —dep Ótirik ministri qorsyldap jylady...
– Talay soraqyny halyqtan jasyryp edik, sonyng bәrin Shyndyq jariyagha jar salyp jýrushi edi, endi qayttik? — dep Jaghympazdar ministri Ótirik ministrin jaghympazdana qúshaqtap, súq sausaghymen tilin jalap-jalap alyp, kózining ainalasyn sulap qoydy...
– Hosh, Shyndyq agha!
– Topyraghyng torqa bolsyn!
Molda Shyndyqtyng janazasyn shyghara bastady. Nópir halyqtyng aldyna shyqqan Ótirik ministri, Jaghympazdar ministri, Mafiya ministri men Namyssyzdar ministri qazday tizilip, bәri portfeliderin qoltyqtaryna qysyp alyp, shirenip túra qalysty. Bastaryn tómen salbyratyp túrudyng ornyna, qasqayyp, shalqayyp ketti... Tap bir eshuaqytta ólmeytindey... Molda Shyndyqtyng janazasyn shygharyp jatyr, әne eki qolyn qúlaqtaryna apardy. O, toba, Mafiya ministri pistoletin shygharyp, sonysymen qúlaghyn qasydy. Ótirik ministri әldekimge úyaly telefonymen ótirik aqparat berip jatty...
Bir kezde molda basyn ong jaqqa, sonan keyin sol jaqqa qisaytyp edi, әlgilerding moyyndary búrylmay qaldy. Shyndyqqa búrylmaytyn moyyndar ghoy...
– Ua, elimizding qaymaqtary men jaymaqtary! — dedi molda janazagha jiylghan elge qarap, – Shyndyq qanday adam edi?
– Moshnyy adam edi! — dedi shala qazaq bireu.
– Aytqany “tochnyi” edi! — dedi alystau túryp, auzyn basa qoyghan Jaltaq degen aqsaqal.
– Ótirik aitpandar! — dep qaldy Ótirik ministri galstugyn qozghap qoyyp.
– IYә, iyә, jaqsy adam!
– Qylda nesi bar deseyshi, ishi pysyp, qara qyldy qaq jaryp otyrushy edi, jaryqtyq...
– Aytatyny “Aqqa Qúday jaq”...
– Talay sayasy qylmystardyng betin ashyp, kóp enbek etti halyqqa...
– Biz bәrimiz maska kiyip alghanbyz ghoy, sol maskamyzdy júlyp alyp...
Molda tamaghyn kenedi:
– Shyndyqtyng sizderge qaryzy bar ma edi? Bar bolsa, aitynyzdar. Ózi joq bolsa da, múnda halyq bar. Kóp bolyp...
Ministrler jamyrap ketti:
– Maghan 2 million tenge qaryz!
– Maghan 12 million euro qaryz!
– Maghan 370 miyllion tenge qaryz...
Bir kezde tabytta jatqan Shyndyq basyn kóterdi. Ólikti tiriltetin ótirikke jany shydamasa kerek. Ol eshkimge qaryz emes edi.
Sol-aq eken, әlginde ghana shyrt týkirip, shirenip túrghandar tym-tyraqay qashty...
Qúral Seyithanúlynyng әleumettik jelidegi jazbasynan
Abai.kz
