Keshe, 7 aqpan keshqúrym Jambyl oblysy, Qorday audanyna qarasty Masanshy auylynda jergilikti túrghyndar arasynda janjal shyqty degen aqparat әleumettik jelige tarady.

Býgin osy oqighagha baylanysty ortalyq kommunikasiya qyzmetinde ótken baspasóz mәslihatynda IIM Erlan Túrghymbaev janjaldyng jay japsaryn týsindirdi. Ministrding aituynsha, tóbelesten segiz adam qaza bolyp, 40 adam әrtýrli dengeyde jaraqat alghan.

Osy oqighagha baylanysty «búzaqylyq» jәne «kisi óltiru» baptarymen is qozghalghan. Ázirge anyqtalghan derekterge qaraghanda, qazaq-dýngen qaqtyghysynda 30-dan astam túrghyn ýi, 15 sauda dýkeni, 23 avtokólik órtengen. Operativti toptyng júmysy nәtiyjesinde, 47 kýdikti ústalyp, onyng ekeuinen qaru qúraly tәrkilenipti. Tәrtipti baqylau maqsatynda aimaqta polisiya qyzmetkerleri men Últtyq úlan júmyldyrylghan.

– Arandatushylar men kuәgerler janjaldy viydeogha týsirip, әleumettik jelide taratqan. Sonymen qatar azamattardy qúqyqqa qayshy әreketterge shaqyrghan. Osydan keyin janjal ornyna әrtýrli kórshiles eldi mekenderden 300 adam kelgen. Búzaqylar bir-birine tas laqtyrghan. Metall zattar qoldanghan. Sonday-aq, qaru qoldanghan, - deydi Erlan Túrghymbaev.

Aqparat ministri Dәuren Abaev «aqparat taratuda abay bolugha» shaqyryp, «bir auylda túrmystyq daudan tughan konfliktining órship ketuin» últarazdyq aqparat taratushy arandatushylardan kóredi.

– Berdibek Saparbaev bastaghan komissiya qazir Qorday audanyna bara jatyr. Biz qazir Qazaqstan halqy assambleyasy ókilderin, jergilikti aqsaqaldar men qogham qayratkerlerin, imamdardy tarta otyryp, halyqty sabyrgha shaqyramyz. Qazir alandaytyn, eldi dýrliktiretin negiz joq, – dedi Abaev.

Sonymen qatar, jauapty qyzmetkerler oqighagha qatysty jalghan aqparat tartushylar qatang jauapqa tartylyp, jazasyz qalmaytynyn eskertti.

Osy janjalgha baylanysty Aqordanyng resmy saytynda el Preziydentining ýndeui jariyalandy.

«Búl ahualdy arandatushylar óz maqsatyna paydalandy. Ókinishke qaray, búl oqigha kezinde adam shyghyny boldy. Men qaza bolghan azamattardyng otbasylaryna kónil aitamyn. Zardap shekkenderding tezirek sauyghyp ketuine tilektespin. ...Jambyl oblysy әkimimen birlesip, qaza bolghandardy jerleu, zardap shekkenderge kómektesu júmystaryn úiymdastyrady. Sonday-aq, jaghdaydy túraqtandyrumen ainalysady. Qoghamdyq tәrtipti búzghandar anyqtalyp, qatang jauapqa tartylatyn bolady. Memleketimizding mýddesine ziyan keltiretin, bereke-birligimizdi búzatyn jәne jalghan aqparat taratqan azamattar zang aldynda jauap beredi», – dedi memleket barsshysy.

"Búl janjal da búrynghyday eldegi ózge diaspora ókilderining zangha baghynbay tәrtipsizkke jol bergeninen bolyp otyr. Osy kýnge deyin qazaqtar jinalyp, ózge últ ókiline kýsh kórsetipti degendi esip kórmedik. Qayta osynday qaqtyghystyng bәri, ózge diaspora ókilderining zansyz әreketterinen keyin tuyndap jatady" - deydi osy oqighagha qatysty pikir bildirushiler.

Aqparat qúraldaryndaghy mәlimetterge sýiensek, búl joly da Qorday audanynda әldebir azamattar poliyseyge baghynbay, tipti olargha qol júmsaghan kórinedi. Al búl azamattar sol audandaghy etnikalyq dýngender eken. Áleumettik jelide taraghan osy oqighanyng viydeojazbasy jergilikti túrghyndardyng ashu-yzasyn tudyryp, jappay tóbelesting tuyndauyna sebep bolghan boluy mýmkin. Jergilikti polisiya da janjaldyng shyghu sebebin tәrtip saqshysy men túrghyndardyng birining arasynda bolghan kiykiljinmen baylanystyrghan.