Qogham belsendisi, "Demokratiyalyq partiya" bastamashylarynyng biri Janbolat Mamay aqpannyng 21-nen 22-sine qaraghan týni Almaty oblysy, Qarasay audandyq sotynyng sheshimimen 3 tәulikke qamalghan edi. Keyin, jaza merzimi ózgertilip, 2 tәulikten keyin bosatylghan.

Al býgin Qarasay audandyq probasiya qyzmeti shaqyrtyp, eskertu bergeni belgili boldy. Osyghan baylanysty biz Janbolat Mamaydyng ózine habarlasyp, mәselening mәn-jayyn súradyq...

Janbolat Mamay, Qogham belsendisi, "Dempartiya" liyderi:

- 21-i kýni týsten keyin bizding úiymdastyru komiytetining mýshesi Janbol Rahmetollany polisiya ústamaq boldy. Men birden ol polisiya qyzmetkerlerine baryp, olardyng qyzmeti zansyz ekenin aityp, olardyng әreketterin viydeogha týsirip, barlyghyn kórsetkennen keyin olar Janboldy bosatty.

Keyin biz keshke qaray jigittermen jinalyp, tamaq ishetin bir kafege kirip edik, sodan shygha bergende 20 shaqty adam (poliysey) kelip, Janboldy sol jerde alyp ketti. Sosyn, onyng qayda ekenin bilu ýshin Almaty qalalyq Polisiya departamentine bardyq. Ol jaqta bizdi polisiya qyzmetkerleri qarsy aldy. Polisiya basqarmasynyng birinshi orynbasary "Qarasay audandyq bólimshesine alyp ketti", dedi. Ol jaqtan, Qarasay audandyq әkimshilik sotyna alyp ketkenin bildik. Qarasay audandyq әkimshilik sotyna men bardym. Sol mezette Qarasay audandyq polisiya basqarmasynyng basshysy, orynbasarlary býkil sol jaqtaghy polisiyanyng basshylary, barlyghy kelip, meni sol jaqta tútqyndady.

Olar meni shamamen keshki 9-darda ústady. Sosyn biz 11-ge deyin polisiya departamentinde boldyq. 11-de Qarasay audandyq sotyna alyp ketti. Sol sotta biz týngi saghat 3-ke deyin boldyq. Týngi saghat 3-ke deyin sot prosessi jýrdi. Ayaghynda sol jerdegi uaqytsha qamau izolyatoryna qamady.  

Sodan meni keshe jiberdi. Bastapqyda 3 tәulikke qamaghan. Ol negizi býgin keshke ayaqtaluy kerek edi. Biraq, keshe keshke, ayaq-astynan Qarasay audandyq prokurory Almaty oblystyq sotyna aryz jazady.

"Biz onyng kim ekenin, taghy onyng bala-shaghasy bar ekenin eskermeppiz. Ony ýsh tәulikten eki tәulikke qysqartayyq" dep, Almaty oblystyq sotyna jiberedi. Keshe keshke saghat 6-lar shamasynda Almaty oblystyq soty viydeo baylanys arqyly sot ótkizip, jazany ýsh tәulikten eki tәulikke qysqartyp, eshkimge habarlamastan, Qarasay audandyq polisiyanyng basshylyghy ózderi ýige әkelip tastady. Ol endi әdeyi jasalghan dep oilaymyn. Óitkeni, eger býgin bosatatyn bolsa, taghy da halyq baratyn edi. Sonyng aldyn alyp otyrghan boluy kerek. 

Biraq, Janboldy bosatqan joq. Ol 15 tәulikke qamaldy. Býgin biz  appelyasiyalyq aryz jazdyq. Endi sol appelyasiyasyn kýtemiz. Bir-eki kýnde qaraluy kerek. 

Al keshegi mitingke kelsek, maghan qazir ol jayly aityp berdi. Bizding mýshelerimizding kóbi alangha jete almaghan. Óitkeni, polisiya, OMON qyzmetkerleri aldarynan tosqan. Bizding partiyany qoldaytyn, partiyagha mýshe azamattardyng kóbining ýiining aldynda polisiya túrdy. Eshkimdi shygharghan joq. Shyghyp ketkenderi alangha jete alghan joq. Kópshiligin jolda ústady. Bizding tarapymyzdan osy alannyng ózinde jәne onyng ainalasynda qamalghandardyng sany 70-ten astam adam. Olardyng barlyghy bosatyldy. Tek, Tólegen Jýkeevke aiyppúl salyndy. 20 AEK.

Biz siezdi keyinge qaldyrdyq. Jalpy, zang boyynsha qaytadan bastamashyl toptyng qataryn jinauymyz kerek. Myng adam. Sol myng adamnan astam bastamashyl toptyng tizimin qaytadan Ádilet ministrligine tapsyryp, siezdi bәribir ótkizemiz. Ónirlerden kelgen azamattar boldy, osy Almatydaghy azamattar bar, barlyghy "Dempartiyany" bәribir qúruymyz kerek degen oidy aityp otyr. 

Abai.kz