Qazaqtardyng Resey aumaghyna enbek migranty bolyp baryp, onyng arty soghysqa mәjbýrlep attandyrghan qayghyly jaghdaylargha úlasyp jatqany turaly janalyqtardyng legi songhy kýnderi alash qoghamyn dýr silkindirdi.

Qazaqstannyng әr ónirinen (sonyng ishinde Shymkent pen basqa da qalalardan) Reseyge kýzetshi nemese qara júmysqa barugha niyettengen jastar aldanyp qalghanyn mәlimdedi.

Kelisimshartqa qol qoyghan song olargha «júmys» emes, soghysqa qatysu talaby qoyylghan, qarsy shyqqandargha týrmemen nemese qysym kórsetu әdisteri qoldanylghany mәlim bolyp otyr.

MEMLEKETTIK REAKSIYa:

Qazaqstannyng Syrtqy ister ministrligi búl oqighagha jedel ýn qatyp, Reseyding SIM-ne resmy diplomatiyalyq nota joldady. Al kesheli-býgin Qazaqstan SIM-i úrys qimyldary jýrip jatqan aimaqtaghy qazaqstandyqtargha qatysty jana mәlimet jariyalady.

«Áleumettik jelilerde beyne ýndeu jariyalaghan azamattargha qatysty qajetti sharalar qabyldanyp jatyr. Olardy Otanyna qaytaru boyynsha kelissózder jýrgizilude. Senim telefonyna kelip týsken ótinishter әli de qaraluda. Árbir ótinish boyynsha aqparat tekserilip jatyr. Tekseru ayaqtalghannan keyin qalyptastyrylghan tizim Resey tarapyna joldanady. QR SIM búl mәsele boyynsha Resey tarapymen týrli dengeyde túraqty baylanys jasap otyr», – dep mәlimdedi QR SIM.

ShETELDIKTERDI SOGhYSQA TARTUDYNG «ALAYaQTYQ SHEMASY»

Halyqaralyq BAQ pen qúqyq qorghau úiymdarynyng dereginshe, búl tek qazaqstandyqtar basynan ótkerip jatqan biregey jaghday emes.

Songhy jyldary Reseyde nemese basqa da qaqtyghys oryn alghan aimaqtarda jýrgen Ózbekstan, Qyrghyzstan, Ýndistan, Nepal jәne Kuba azamattarynyng da osynday jolmen aldanyp, әskery kelisimsharttargha eriksiz ilinip ketkeni turaly mysaldar jii tirkeldi.

Sheteldik migranttargha alghashynda qúrylys, qoyma nemese kýzet salasynan joghary jalaqy uәde etiledi. Alayda orys tilin jetkiliksiz biletin nemese qúqyqtyq sauaty tómen azamattardyng kóbi týsiniksiz mazmúndaghy qújattargha (kóbine orys tilindegi qarjylyq nemese júmys turaly kelisim týrinde kórsetilip) qol qoyyp qoyady. Búl halyqaralyq tәjiriybede adam saudasynyng jana formasy retinde baghalanyp jýr.

ANGhALDYQ ÁLDE NEMKETTILIK PE?

Mәselening ekinshi jaghy – aqparattyq sauatsyzdyq pen jenil oljagha qyzyghu. Álemdik geosayasy ahual, Resey men Ukraina arasyndaghy qaqtyghystyng bastalghanyna jyldar ótkeni býkil әlemge mәlim. Osynday almaghayyp zamanda «kýzetshi bolamyn» dep soghys órti shalyp jatqan elge tәuekel etu – ýlken qater.

Álemdik aqparat qúraldarynda ózge elderden aldanyp baryp, maydan shebinde qalyp qoyghandardyng zar jylaghan viydeolary jetkilikti týrde jariyalandy. Tipti Reseyding óz azamattarynyng («ash qaldyq, keri sheginuge múrsha bermedi» dep shaghymdanghan sarbazdardyn) jaghdayy búl jýiening eshkimdi ayamaytynyn kórsetip otyr.

«Biz ýshin әrbir azamattyng ómiri men taghdyry manyzdy. Memleket qay jerde jýrse de óz azamattaryn qorghaugha mindetti», - dep ashyq mәlimdep, Qazaqstan SIM-ning nota joldauy jәne azamattardy elge qaytaru ýshin әreket etui – Konstitusiyalyq mindet әri dúrys qadam. Alayda búl oqigha qoghamgha ýlken sabaq boluy tiyis:

Qúqyqtyq jauapkershilik: Otandastarymyz elge aman-esen oralghan son, QR Qylmystyq kodeksining tiyisti baptary (jaldamalylyq pen shet memleketterding qaruly qaqtyghystaryna qatysu) boyynsha qúqyqtyq týsindiru jәne profilaktikalyq júmystar qatang jýrgizilui kerek.

Aqparattyq immuniytet: Jas buyn shetelge júmysqa attanar aldynda әleumettik jaghdaydy, elding zannamasyn jәne halyqaralyq qauipsizdik mәselelerin jan-jaqty tarazylap ýirenui qajet. Ózge elding soghysy – qazaq jastarynyng qaryzy da, mindeti de emes. «Ólsek, óz elimizde óleyik» degen sóz әrbir jastyng sanasyna erte jetip, abaysyz qadamnan saqtandyrghay.

Ábil-Serik Áliakbar

Abai.kz