Almatyda saghat 11-den kete bere "Demokratiyalyq partiya" jetekshisi, sayasatker Janbolat Mamaydy ýiinen shygha beriste polisiya qyzmetkerleri ústap әketuge tyrysty, dep habarlaydy Azattyq sayty. Tikeley efirde habar taratqanonyng әieli Inga Imanbaydyng telefonyn ózin tanystyrmaghan qyzmetker alyp, óshirip tastady. Keyinnen Janbolat Mamay olardyng Inga Imanbaydyng basyn qaqpagha soghyp, ózderine qaraqshylyq shabuyl jasaghanyn aitty. Jedel jәrdem kóligi shaqyrtylghan.

Mamaydyng aituynsha, polisiya alty kólikpen kelgen. Tikeley efir kezinde polisiya qyzmetkerlerining biri qylmystyq is boyynsha Mamaydy Nauryzbay audandyq ishki istep basqarmasyna alyp kelu tapsyrylghanyn aitty. Biraq belsendi shaqyrtu qaghazynda mór joghyn, qylmystyq isting baby kórsetilmegenin aityp, zandyq kýshi bar shaqyrtu alyp kelu qajettigin aityp, kólikke minuden bas tartty.

1 nauryzda týske taman 11:30 shamasynda Oyan, Qazaqstan jetekshisi Ásem Jәpishevanyng ústalghany habarlandy. Shamamen eki saghat búryn qozghalys mýsheleri Bauyrjan Sabitov pen Janeli Shahanovany polisiya ústap әketken. Týske taman belsendi Marat Túrymbetov Azattyqqa ózining Almaty qalalyq polisiya departamentinde otyrghanyn habarlady.

Búghan deyin eldegi týrli oppozisiyalyq úiymdar 1 nauryz kýni mitingige shyghugha shaqyrghan. Bas prokuratura mitingilerdi "zansyz" dep atap, júrtty narazylyqqa shyqpaugha ýndedi.

Miting qarsanynda Qazaqstannyng birqatar qalasynda belsendiler ústalyp,әkimshilik qamaugha alyndy. Keybir belsendiler ýiin polisiya toruyldap jýrgenine shaghymdandy. Polisiya oqighagha qatysty týsinikteme bermedi.

Abai.kz