الماتىدا ساعات 11-دەن كەتە بەرە "دەموكراتيالىق پارتيا" جەتەكشىسى، ساياساتكەر جانبولات مامايدى ۇيىنەن شىعا بەرىستە پوليتسيا قىزمەتكەرلەرى ۇستاپ اكەتۋگە تىرىستى، دەپ حابارلايدى ازاتتىق سايتى. تىكەلەي ەفيردە حابار تاراتقانونىڭ ايەلى ينگا يمانبايدىڭ تەلەفونىن ءوزىن تانىستىرماعان قىزمەتكەر الىپ، ءوشىرىپ تاستادى. كەيىننەن جانبولات ماماي ولاردىڭ ينگا يمانبايدىڭ باسىن قاقپاعا سوعىپ، وزدەرىنە قاراقشىلىق شابۋىل جاساعانىن ايتتى. جەدەل جاردەم كولىگى شاقىرتىلعان.

مامايدىڭ ايتۋىنشا، پوليتسيا التى كولىكپەن كەلگەن. تىكەلەي ەفير كەزىندە پوليتسيا قىزمەتكەرلەرىنىڭ ءبىرى قىلمىستىق ءىس بويىنشا مامايدى ناۋرىزباي اۋداندىق ىشكى ىستەپ باسقارماسىنا الىپ كەلۋ تاپسىرىلعانىن ايتتى. بىراق بەلسەندى شاقىرتۋ قاعازىندا ءمور جوعىن، قىلمىستىق ءىستىڭ بابى كورسەتىلمەگەنىن ايتىپ، زاڭدىق كۇشى بار شاقىرتۋ الىپ كەلۋ قاجەتتىگىن ايتىپ، كولىككە مىنۋدەن باس تارتتى.

1 ناۋرىزدا تۇسكە تامان 11:30 شاماسىندا Oyan, Qazaqstan جەتەكشىسى اسەم جاپىشەۆانىڭ ۇستالعانى حابارلاندى. شامامەن ەكى ساعات بۇرىن قوزعالىس مۇشەلەرى باۋىرجان سابيتوۆ پەن جانەل شاحانوۆانى پوليتسيا ۇستاپ اكەتكەن. تۇسكە تامان بەلسەندى مارات تۇرىمبەتوۆ ازاتتىققا ءوزىنىڭ الماتى قالالىق پوليتسيا دەپارتامەنتىندە وتىرعانىن حابارلادى.

بۇعان دەيىن ەلدەگى ءتۇرلى وپپوزيتسيالىق ۇيىمدار 1 ناۋرىز كۇنى ميتينگىگە شىعۋعا شاقىرعان. باس پروكۋراتۋرا ميتينگىلەردى "زاڭسىز" دەپ اتاپ، جۇرتتى نارازىلىققا شىقپاۋعا ۇندەدى.

ميتينگ قارساڭىندا قازاقستاننىڭ بىرقاتار قالاسىندا بەلسەندىلەر ۇستالىپ،اكىمشىلىك قاماۋعا الىندى. كەيبىر بەلسەندىلەر ءۇيىن پوليتسيا تورۋىلداپ جۇرگەنىنە شاعىمداندى. پوليتسيا وقيعاعا قاتىستى تۇسىنىكتەمە بەرمەدى.

Abai.kz