Sauytbaygha marapatty 4 nauryzda Vashingtonda AQSh memlekettik hatshysy Mayk Pompeo men AQSh-tyng birinshi hanymy Melaniya Tramp tabystady.
Pompeo marapattau rәsimi kezinde: "Sayragýl Sauytbaygha bas iyemiz. Ol búryn dәriger bolghan. Ol shyndyqty aitqany ýshin otbasynan ajyrap, qamalyp, qysym kórdi, ólim jazasyna kesilui de mýmkin edi. Ol – Qytaydyng Kommunistik partiyasynyng Shynjandaghy músylmandargha qarsy qysymy jayly ashyq aitqandardyng biri. Sayragýl Sauytbay qoryqpay Shynjang lagerileri turaly aqparattardy aitty jәne qazir de lageride qamalyp shyqqandar men olardyng tuystaryna qamauda kórgenderin ashyq aitugha jigerlendirip jýr" dedi.
AQSh memlekettik departamenti búl syilyqty beybitshilik, әdildik, adam qúqyghy, genderlik tendik, әielder qúqyghy ýshin kýresip, ómirin qauipke tikken әielderge beredi.
Sayragýl Sauytbay – AQSh memlekettik departamentining búl syilyghyn iyelengen ekinshi qazaq. 2018 jyly "Halyqaralyq batyr әielder" syilyghyna qazaqstandyq advokat Ayman Omarova ie bolghan.
Búl syilyqty Qyrghyzstandaghy 2010 jyly 7 sәuirdegi oqighadan song biylikti uaqytsha qolyna alghan Roza Otunbaevagha tabystalghan. Ol búl syilyqty 2011 jyly aldy.
Abai.kz
