Qazaqsanda COVID-19 koronavirustyq infeksiyasy alghash ret 2020 jyldyng 13 nauryzynda tirkeldi: Olardyng ekeui - Almatyda, bireui - Núr-Súltanda. Al, 20 nauryz 08:30-daghy jaghday boyynsha, Qazaqstanda infeksiya júqtyrghandar sany 49-gha jetti. Olardyng 22-si Almatyda, 25-i Núr-Súltanda, taghy eki adam Qaraghandyda tirkelgen.

2020 jyldyng 26 qantarynan bastap memlekettik shekara arqyly ótkizu punktterinde sanitarlyq-epiydemiologiyalyq baqylau kýsheytilip, oqu-jattyghular ótkizildi. Sonymen qatar, Qytaydan kelgen adamdargha medisinalyq baqylau jýrgizildi.

Al, eldegi dәrihanalarda medisinalyq maskalar jetispeytini anyqtaldy. Keyinnen maskany aldyn-ala satyp alghan alypsatarlar olardy qymbat baghamen satqany belgili boldy.

10 nauryzda ótken baspasóz mәslihatynda elding bas sanitarlyq dәrigeri Jandarbek Bekshin matematikalyq modeliderge negizdelgen boljamdargha sәikes, COVID-19 elde 11-16 nauryz aralyghynda payda boluy mýmkin ekenin aitty.

13 nauryzda Almatygha Germaniyadan kelgen eki qazaqstandyqtan (1974 j.t. er adam jәne 1984 j.t. әiel) koronavirustyq infeksiyanyng belgileri anyqtaldy. Nauqastar júqpaly aurular emhanasyna jatqyzyldy. Koronavirus júqtyrghan alghashqy adam Qazaqstangha Germaniyadan 9 nauryzda keldi, ekinshisi - 12 nauryzda jeke úshaqpen kelgen.

Sol kýni virustyng ýshinshi jәne tórtinshi jaghdaylary tirkeldi. 12 nauryzda taghy bir adam Núr-Súltangha úshyp kelgen. Ol Milannan kelgennen keyin anyqtalghandyqtan, dereu karantinge alyndy. Al, tórtinshi - 1976 jyly tughan er adam. Ol Almatygha Germaniyadan kelgen, emdeu ýshin auruhanagha týsti.

14 nauryzda elde COVID-19 anyqtalghan jaghdaylardyng sany altygha jetti. 1958 jyly tughan er adam 10 nauryzda Mәskeuden Almatygha úshyp kelgen. Ekinshisi - Núr Súltangha Varshavadan úshyp kelgen, al, onyng aldynda Germaniyada bolghan.

15 nauryzda koronavirustyng ýsh jana deregi tirkeldi. Ol 1959 jylghy әiel adam. Onyng joldasy oghan deyin Almatyda júqpaly aurular auruhanasynda oqshaulanghan. Segizinshi pasiyent, 1995 jyly tughan er adam. Ol 14 nauryzda Seul - Almaty reysimen kelgen. Toghyzynshy adam - Qazaqstangha Germaniyadan úshyp kelgen 2008 jyly tughan qyz.

16 nauryzda koronavirustyng onynshy jaghdayy turaly habarlandy. Ol - 1986 jyly tughan әiel. 15 nauryzda Stambul-Almaty reysi boyynsha kelgen.

17 nauryzda virus júqtyrghandar sany 33-ke jetti. Olardyng 18-i Núr-Súltanda, 15-i Almatyda.

18 nauryzda COVID-19 infeksiyasynyng taghy ýsh jaghdayy anyqtalyp, Qazaqstanda virus júqtyrghandardyng sany 36 adamgha jetti.

Al, 19-nauryz kýni eki qalada koronavirus júqtyrghandar sany 44 boldy.

20 nauryz kýni koronavirus júqtyrghan taghy 5 adam anyqtalyp, barlyghy 49 adam tirkeldi. Búl joly Almaty men Astanadan bólek, eki adamnyng Qaraghandydan tirkelgeni anyqtaldy.

Osyghan oray Memleket basshysy Qazaqstan Respublikasynyng barlyq aumaghynda 2020 jylghy 16 nauryzdaghy 08 saghat 00 minut pen 2020 jylghy 15 sәuirdegi 07 saghat 00 minut kezeninde tótenshe jaghday engiziletinin mәlimdedi. Al, Núr-Súltan men Almaty qalalarynda karantin jariyalandy.

Songhy derekter boyynsha, әlemde atalghan virusty júqtyrghandar sany 242 205-ke jetken. Qaytys bolghandar - 9991 adam. Alghashqy bestikte Qytay - (80 928 adam), Italiya - (41 035 adam), Iran - (18 407 adam), Ispaniya - (17 963  adam), Germaniya - (15 320 adam) tirkelgen.

Al, birneshe kýn búryn AQSh-ta koronavirusqa qarsy vaksinanyng alghashqy synaqtary ótkizilgeni turaly aqparat shyqty. Synaqqa 45 erikti qatysqan.

Resey sheteldikter ýshin shekarany japty. Elde virus júqtyrghandar sany 199 adamgha jetti. Sonymen qatar, Resey men Qazaqstan arasyndaghy halyqaralyq poyyz qatynasy 17 nauryzdan bastap toqtatyldy.

Sonday-aq, Qyrghyzstan da shekara beketin japty. Býginde Qyrghyzstanda 3 adamnyng virus júqtyrghany anyqtaldy.

Iran koronavirus jaghdayynda 85 myngha juyq tútqyndy bosatty. Qazir elde 18 mynnan astam adam virus júqtyrghan.

19 aqpan 2020 jyl, Beyjing uaqytymen saghat 24:00-de jasalghan esep boyynsha, QHR Últtyq densaulyq saqtau komissiyasy QHR provinsisynyng 31 әkimshilik aumaghynda 74 576 jaghday tirkelgenin, onyng ishinde 11 884 adam auyr jaghdayda, 2118 adam qaytys bolghanyn, 16 155 adam emdelgenin mәlimdedi. Oghan qosa, Gonkong, Makao jәne Tayvanida 99 jaghday rastalyp, ýsh adam qaytys bolghan. 3 adam emdelgen.

Abai.kz