قازاقساندا COVID-19 كوروناۆيرۋستىق ينفەكتسياسى العاش رەت 2020 جىلدىڭ 13 ناۋرىزىندا تىركەلدى: ولاردىڭ ەكەۋى - الماتىدا، بىرەۋى - نۇر-سۇلتاندا. ال، 20 ناۋرىز 08:30-داعى جاعداي بويىنشا، قازاقستاندا ينفەكتسيا جۇقتىرعاندار سانى 49-عا جەتتى. ولاردىڭ 22-ءسى الماتىدا، 25-ءى نۇر-سۇلتاندا، تاعى ەكى ادام قاراعاندىدا تىركەلگەن.

2020 جىلدىڭ 26 قاڭتارىنان باستاپ مەملەكەتتىك شەكارا ارقىلى وتكىزۋ پۋنكتتەرىندە سانيتارلىق-ەپيدەميولوگيالىق باقىلاۋ كۇشەيتىلىپ، وقۋ-جاتتىعۋلار وتكىزىلدى. سونىمەن قاتار، قىتايدان كەلگەن ادامدارعا مەديتسينالىق باقىلاۋ جۇرگىزىلدى.

ال، ەلدەگى ءدارىحانالاردا مەديتسينالىق ماسكالار جەتىسپەيتىنى انىقتالدى. كەيىننەن ماسكانى الدىن-الا ساتىپ العان الىپساتارلار ولاردى قىمبات باعامەن ساتقانى بەلگىلى بولدى.

10 ناۋرىزدا وتكەن ءباسپاسوز ءماسليحاتىندا ەلدىڭ باس سانيتارلىق دارىگەرى جانداربەك بەكشين ماتەماتيكالىق مودەلدەرگە نەگىزدەلگەن بولجامدارعا سايكەس، COVID-19 ەلدە 11-16 ناۋرىز ارالىعىندا پايدا بولۋى مۇمكىن ەكەنىن ايتتى.

13 ناۋرىزدا الماتىعا گەرمانيادان كەلگەن ەكى قازاقستاندىقتان (1974 ج.ت. ەر ادام جانە 1984 ج.ت. ايەل) كوروناۆيرۋستىق ينفەكتسيانىڭ بەلگىلەرى انىقتالدى. ناۋقاستار جۇقپالى اۋرۋلار ەمحاناسىنا جاتقىزىلدى. كوروناۆيرۋس جۇقتىرعان العاشقى ادام قازاقستانعا گەرمانيادان 9 ناۋرىزدا كەلدى، ەكىنشىسى - 12 ناۋرىزدا جەكە ۇشاقپەن كەلگەن.

سول كۇنى ۆيرۋستىڭ ءۇشىنشى جانە ءتورتىنشى جاعدايلارى تىركەلدى. 12 ناۋرىزدا تاعى ءبىر ادام نۇر-سۇلتانعا ۇشىپ كەلگەن. ول ميلاننان كەلگەننەن كەيىن انىقتالعاندىقتان، دەرەۋ كارانتينگە الىندى. ال، ءتورتىنشى - 1976 جىلى تۋعان ەر ادام. ول الماتىعا گەرمانيادان كەلگەن، ەمدەۋ ءۇشىن اۋرۋحاناعا ءتۇستى.

14 ناۋرىزدا ەلدە COVID-19 انىقتالعان جاعدايلاردىڭ سانى التىعا جەتتى. 1958 جىلى تۋعان ەر ادام 10 ناۋرىزدا ماسكەۋدەن الماتىعا ۇشىپ كەلگەن. ەكىنشىسى - نۇر سۇلتانعا ۆارشاۆادان ۇشىپ كەلگەن، ال، ونىڭ الدىندا گەرمانيادا بولعان.

15 ناۋرىزدا كوروناۆيرۋستىڭ ءۇش جاڭا دەرەگى تىركەلدى. ول 1959 جىلعى ايەل ادام. ونىڭ جولداسى وعان دەيىن الماتىدا جۇقپالى اۋرۋلار اۋرۋحاناسىندا وقشاۋلانعان. سەگىزىنشى پاتسيەنت، 1995 جىلى تۋعان ەر ادام. ول 14 ناۋرىزدا سەۋل - الماتى رەيسىمەن كەلگەن. توعىزىنشى ادام - قازاقستانعا گەرمانيادان ۇشىپ كەلگەن 2008 جىلى تۋعان قىز.

16 ناۋرىزدا كوروناۆيرۋستىڭ ونىنشى جاعدايى تۋرالى حابارلاندى. ول - 1986 جىلى تۋعان ايەل. 15 ناۋرىزدا ستامبۋل-الماتى رەيسى بويىنشا كەلگەن.

17 ناۋرىزدا ۆيرۋس جۇقتىرعاندار سانى 33-كە جەتتى. ولاردىڭ 18-ءى نۇر-سۇلتاندا، 15-ءى الماتىدا.

18 ناۋرىزدا COVID-19 ينفەكتسياسىنىڭ تاعى ءۇش جاعدايى انىقتالىپ، قازاقستاندا ۆيرۋس جۇقتىرعانداردىڭ سانى 36 ادامعا جەتتى.

ال، 19-ناۋرىز كۇنى ەكى قالادا كوروناۆيرۋس جۇقتىرعاندار سانى 44 بولدى.

20 ناۋرىز كۇنى كوروناۆيرۋس جۇقتىرعان تاعى 5 ادام انىقتالىپ، بارلىعى 49 ادام تىركەلدى. بۇل جولى الماتى مەن استانادان بولەك، ەكى ادامنىڭ قاراعاندىدان تىركەلگەنى انىقتالدى.

وسىعان وراي مەملەكەت باسشىسى قازاقستان رەسپۋبليكاسىنىڭ بارلىق اۋماعىندا 2020 جىلعى 16 ناۋرىزداعى 08 ساعات 00 مينۋت پەن 2020 جىلعى 15 ساۋىردەگى 07 ساعات 00 مينۋت كەزەڭىندە توتەنشە جاعداي ەنگىزىلەتىنىن مالىمدەدى. ال، نۇر-سۇلتان مەن الماتى قالالارىندا كارانتين جاريالاندى.

سوڭعى دەرەكتەر بويىنشا, الەمدە اتالعان ۆيرۋستى جۇقتىرعاندار سانى 242 205-كە جەتكەن. قايتىس بولعاندار - 9991 ادام. العاشقى بەستىكتە قىتاي - (80 928 ادام), يتاليا - (41 035 ادام), يران - (18 407 ادام), يسپانيا - (17 963  ادام), گەرمانيا - (15 320 ادام) تىركەلگەن.

ال، بىرنەشە كۇن بۇرىن اقش-تا كوروناۆيرۋسقا قارسى ۆاكتسينانىڭ العاشقى سىناقتارى وتكىزىلگەنى تۋرالى اقپارات شىقتى. سىناققا 45 ەرىكتى قاتىسقان.

رەسەي شەتەلدىكتەر ءۇشىن شەكارانى جاپتى. ەلدە ۆيرۋس جۇقتىرعاندار سانى 199 ادامعا جەتتى. سونىمەن قاتار، رەسەي مەن قازاقستان اراسىنداعى حالىقارالىق پويىز قاتىناسى 17 ناۋرىزدان باستاپ توقتاتىلدى.

سونداي-اق، قىرعىزستان دا شەكارا بەكەتىن جاپتى. بۇگىندە قىرعىزستاندا 3 ادامنىڭ ۆيرۋس جۇقتىرعانى انىقتالدى.

يران كوروناۆيرۋس جاعدايىندا 85 مىڭعا جۋىق تۇتقىندى بوساتتى. قازىر ەلدە 18 مىڭنان استام ادام ۆيرۋس جۇقتىرعان.

19 اقپان 2020 جىل، بەيجىڭ ۋاقىتىمەن ساعات 24:00-دە جاسالعان ەسەپ بويىنشا، قحر ۇلتتىق دەنساۋلىق ساقتاۋ كوميسسياسى قحر پروۆينتسيسىنىڭ 31 اكىمشىلىك اۋماعىندا 74 576 جاعداي تىركەلگەنىن، ونىڭ ىشىندە 11 884 ادام اۋىر جاعدايدا، 2118 ادام قايتىس بولعانىن، 16 155 ادام ەمدەلگەنىن مالىمدەدى. وعان قوسا، گونكونگ، ماكاو جانە تايۆاندا 99 جاعداي راستالىپ، ءۇش ادام قايتىس بولعان. 3 ادام ەمدەلگەن.

Abai.kz