"Bizding elde biylikke degen senim joq. Senim degeniniz shynayylyq pen adaldyqqa arqa tireydi emes pe? Halyqtyng әbden auzy kýigen. Senim bolmaghandyqtan da júrt biylikting mәlimdemelerinen, әreketterinen astar izdeydi. Sóitip qiyalyn san saqqa jýgirtken payymdar men boljamdar tuyndaydy.

Keyingi kezde Ayman Músahodjaeva bastap birqatar kisiler N.Nazarbaevtyng sinirgen enbegin madaqtay bastady. Al býgin Elbasynyng ózining Ýndeui jariyalandy. Búdan tórt kýn búryn QR Preziydenti Q.K.Toqaevtyng «Sharalardyng barlyghy – azamattardyng densaulyghy ýshin jasalyp otyrghany» turaly ýndeui shyqqan. Odan qalyspay spiyker D.Nazarbaeva da «Arandatushylar – bizding dúshpanymyz!» dep jau izdegendey ýndeu tastady. Jay әnsheyin ýnqosu bolsa bir sәri, bәri –Ýndeu. Bir memleketke bir basshynyng ýndeui jetip jatyr ghoy.

Elbasy ózining Ýndeuinde «qiyn kezende el-júrtqa kómekteskisi keletin jәne jәrdem bere alatyn adamdardyng qarajaty jinaqtalatyn Respublikalyq qor qúrudy úsynamyn» deydi. Ol kisining tapsyrmasy boyynsha Túnghysh Preziydent qory tótenshe jaghdaydaghy halyqty qoldau ýshin 200 mln tenge, «Núr-Otan» partiyalyq jobalary boyynsha 150 mln tenge bóletin boldy. 

20 nauryzda Almatynyng aiyrbas punkterinde dollar qúny 495 tenge bolyp túr. Sonda N.Nazarbaev aityp otyrghan eki kózden bólingen 350 million tenge – 700 mynday dollar, yaghny qatqan bir kottedjding qúny bolady da shyghady.

Al koronoviruspen kýresuge Qytay – $15 mlrd, Ontýstik Koreya – $25 mlrd, AQSh – $8,3 mlrd, Japoniya – $4,1 mlrd, Úlybritaniya – $39 mlrd, Evroodaq – 25 mlrd evro. Italiya – 25 mlrd evro, Avstraliya – $11,4 mlrd, Kanada – $750 mln, Halyqaralyq valuta qory – $50 mlrd, Dýniyejýzilik bank – $12 mlrd dollar bólip otyr eken. Halyqqa syldyr sóz emes osynday naqty kómek qajet.

Al bizde әleumettik jelide «Astana jaqta qaptaghan tank» degen viydeolor kórinis berip qaldy. Sonda bizdikiler koronovirusqa qarsy tankimen kýrespek pe?

Blokposttargha әskeriyler tartylsa jaqsy, týsinistikpen qaraysyn. Al tankilerding qaptauy qalay?

Qalay desek te halyq biylik transformasiyasyna alandauly. Koronovirusqa qarsy kýres әldebir sayasy oiynnyng yn-shynsyz jýzege asuyna taptyrmas býrkenish bolyp ketpese jarady.

Marat Baydildaúly

Abai.kz