Sәrsenbining sәtinde Almatydaghy Últtyq baspasóz klubynyng aldyna adam qarasy kóp jinaldy. Qúral-saymanyn asyna kelgen jurnalist qauymynan góri, qoldaryna bir-bir habarlauysh rasiya ústaghan tәrtip saqshylarynyng qatary mol siyaqty kórindi. Belgilengen jerge kýni búryn jetip alghan polisaylar qúddy bir lankesterdi qúryqtaytynday tas-týiin jýr. Sonymen, aqparat qúraldary arqyly aldyn ala habarlanyp aitylghanday, eldegi «Sóz bostandyghyn qoldau» aksiyasy tura saghat 11:00-de bastalyp ketti.

Sәrsenbining sәtinde Almatydaghy Últtyq baspasóz klubynyng aldyna adam qarasy kóp jinaldy. Qúral-saymanyn asyna kelgen jurnalist qauymynan góri, qoldaryna bir-bir habarlauysh rasiya ústaghan tәrtip saqshylarynyng qatary mol siyaqty kórindi. Belgilengen jerge kýni búryn jetip alghan polisaylar qúddy bir lankesterdi qúryqtaytynday tas-týiin jýr. Sonymen, aqparat qúraldary arqyly aldyn ala habarlanyp aitylghanday, eldegi «Sóz bostandyghyn qoldau» aksiyasy tura saghat 11:00-de bastalyp ketti.

«Quyrdaqtyng kókesin týie soyghanda kóresin» demekshi, qyzyqtyng kókesi arnayy dayyndap әkelgen plakattardy aiqara ashqan kezde bastaldy. Jemtigin andyghan qúzghyn-qarghaday qybyr etkendi qalt jibermey baqylap túrghan qyzyl jaghalylar «Internetke bostandyq!», «Ramazan Esirgepovke bostandyq!», «Prokuror, sot myrzalar! Ar-úyatty oilandar!» degen jazulary bar plakattar jayylghan sәtte-aq jurnalisterding qolyndaghy qaghazdargha jarmasty. «Tart qolyndy, jolama! Qaghazdy alugha qansha qaqyng bar?!» degen dauystardan qúlaq túnady. Alghashqy kezde osylay shabuyl jasap, belsendi toptyng ýreyin úshyryp alamyz dep oilaghan bolulary kerek, bar-joghy on minuttyng ainalasynda әlgi әkirendegen polisaylardyng «auruy» basylyp, juasyp sala bergeni. Tek sharagha qatysushylar kóshege shyghyp ketpes ýshin saqshylar Furmanov kóshesin boylay qaz-qatar tizilip túryp aldy. Prokuraturanyng kiyimin kiygen keybir pysyqay mamandar dybys kýsheytkish arqyly jinalghan qauymgha baghyshtap: «Búlaysha narazylyq aksiyasyn ótkizuge sizderge rúqsat berilgen joq. Búlarynyz zansyz! Tezirek taranyzdar!» dep qoyady. Alayda, ózderining zangha qayshy keletindey eshtene býldirip tastamaghandyghyn jaqsy biletin tәuelsiz BAQ ókilderi qúqyq qorghau oryndarynyng múnday mәlimdemesine qúlaq ta týrgen joq. Kerisinshe zang qyzmetkerlerining ózderine tarpa bas salyp: «Ne sebepti bizding beybit týrde jinaluymyzgha rúqsat etilmeydi. Onday zandy qaydan tauyp aldynyz! Týsindirip berinizshi, eger Sizding aitqan sóziniz zanmen rastalsa, biz osy jerden dereu ketemiz», - desti.

Bir ókinishtisi atalghan aksiyagha atsalysugha tәuelsiz BAQ ókilderinen basqa tiri pende qatysqan joq. Basyna is týskende, nemese ózin jarnamalau kerek bolghan kezde biylikke baghynbaytyn tәuelsiz gazet-jurnaldardyng kómegine jýginetin júrt aldynda jýrgen tanymal túlghalardyn, qogham qayratkerlerinin, últ janashyrlarynyng bir de bireui ol mannan tabylmady. Bәlkim «estimedik, shaqyrtu almadyq» dep aqtalatyn shyghar, olay bolsa qatelesedi. Keshe ghana osy sharany úiymdastyrushy azamattar jurnalisterding basyn qosyp, osynday jiyn ótetindigin aitqan. Internet sayttarda búl turaly materialdar jariyalanyp ta qoyghan. Sonday-aq, shaqyrylmay qalghanyna ókpelegen bolsa, taghy da qaytalaymyz. Áriberiden keyin narazylyq aksiyasy әr adamgha jeke-jeke shaqyrtu jiberetindey toy-tomalaq emes. Sondyqtan, sóz bostandyghynyng keleshegine beyjay qaray almaytyn Qazaqstannyng kez-kelgen azamaty osy aksiyagha qatysugha erikti edi.

Alayda, búl qúqyqty tәuelsiz BAQ ókilderinen basqa, eki-aq azamat paydalandy. Olardyng biri «Azat» demokratiyalyq partiyasynyng tóraghasy Bolat Ábilev bolsa ekinshisi Viktor Kovtunovskiy degen azamat boldy.

Sóitip, tәrtip saqshylary men jurnalister arasyndaghy «Sóz bostandyghy ýshin» teketires eki-ýsh saghattan keyin tynyshtyqpen ayaqtaldy. Qúdaygha shýkir qúqyq qorghaushylar da búl joly «meyirimdilik» tanytyp eshkimdi qamaugha alghan joq. Bas jarylyp, kóz shyqqanyn da kórmedik.